តាម​គណនី​ Instagram មួយ​ដែល​មាន​ឈ្មោះ​ថា fashionofygfamily.2 បាន​ចែកចាយ​ពី​រូបភាព​មួយ​សន្លឹក​របស់​តារា​ចម្រៀង​អតីត​សមាជិក​ក្រុម 2NE1 អមជាមួយនឹង​តម្លៃ​ស្បែកជើង និងកាបូប​ប្លាស្ទិក​ដែល​នាង​ស្ពាយជាប់ខ្លួន។

តារា​ចម្រៀង Sandara Park បាន​ធ្វើ​ដំណើរ​ទៅ​កាន់​ប្រទេស​សិង្ហបុរី​ក្នុង​នាម​ជា​ពិធី​ការិនី​របស់​កម្មវិធី​ថែ​រក្សា​សម្រស់​មួយ​ដែល​មាន​ឈ្មោះ​ថា "Get It Beauty On The Road”។ វត្តមាន​របស់​នាងបានធ្វើឲ្យអ្នកគាំទ្រចាប់អារម្មណ៍ជាខ្លាំង មិនថាសម្លៀកបំពាក់​របស់​នាង​ក៏​ប្លែក​ អ្វីដែលធ្វើឲ្យអ្នកគាំទ្រកាន់តែចាប់អារម្មណ៍នោះ គឺកាបូបស្ពាយរបស់នាង ដែលគេកែច្នៃពី​​ថង់​ប្លាស្ទិក​ថ្លា​។ ជាក់​ស្ដែង​ថ្មី​ៗ​នេះ ឈុត​សម្លៀកបំពាក់​មួយ​តួ​ខ្លួន​របស់​នាង​មួយ​ឈុត ក្នុង​ដំណើរ​ទៅ​កាន់​ប្រទេស​សិង្ហបុរី​កំពុង​តែ​ទទួល​បាន​ការ​ចាប់​អារម្មណ៍​ខ្លាំង ដោយ​មើល​ទៅ​បែប​សាមញ្ញ​ធម្មតា ប៉ុន្តែ​បើ​និយាយ​ពី​តម្លៃ​វិញ​គឺ​មិន​ធម្មតា​នោះ​ទេ។ បើ​តាម​រូបភាព​នោះ បង្ហាញ​ឲ្យ​ឃើញ​ថា​ស្បែកជើង​ពណ៌​ក្រហម​ក្រឡា​ការ៉ូ​ដែល​នាង​ពាក់​នោះ​គឺ​មាន​តម្លៃ ៥១៦ អឺរ៉ូ (ប្រហែល ៦១៥​ដុល្លារ)។ រី​ឯ​កាបូប​​ថង់​ប្លាស្ទិក​ថ្លា​នោះ​វិញ ​ ​មាន​តម្លៃ​រហូត​ដល់ ៦០០ ដុល្លារ​ឯ​ណោះ៕ ​​​ ប្រភព៖ instagram