ភ្នំពេញ៖ តារាសម្តែងជើងថា តាំងពីជំនាន់ ១៩៦០ លោកតា មិន សារិន ដែលធ្លាប់សម្តែងក្នុងខ្សែភាពយន្តជាច្រើននោះ ស្រាប់តែពេលនេះ លោកគ្មានសល់អ្វីជាដុំកំពួនសោះ រាល់ថ្ងៃបានត្រឹមតែបាយមួយពេលតែប៉ុណ្ណោះ (បានព្រឹកខ្វះល្ងាច) ហើយណាមួយផលិកករលែងហៅលោកតាទៅសម្តែងទៀតហើយ ព្រោះតែវ័យកាន់តែចាស់ទៅហើយ។

វ័យកាន់តែចាស់ណាស់ទៅហើយ លោកតាបានប្រាប់ថា "ថ្វីបើខ្ញុំជាសិល្បៈករជើងចាស់ក៏ពិតមែន ប៉ុន្តែមិនមានអ្នកណាយកចិត្តទុកដាក់ចំពោះខ្ញុំទេ ក៏ដូចជាសិល្បៈករចាស់ជរាដទៃទៀតទេ ខណៈដែលខ្ញុំប្រឡូកក្នុងសិល្បៈជិតមួយជីវិតហើយនេះ មិនមានអ្វីក្រៅពីរូបរាងកាយចាស់ជរាឡើយ ហើយនៅពេលខ្ញុំឈឺម្ដងៗ មានតែកូន និងញាតិមិត្តមួយចំនួនតូចដែលគេអាណិតអាសូរ ជួយខ្ញុំតែប៉ុណ្ណោះ"។ ដោយ៖ និមល