ភ្នំពេញ៖ កាលពីយប់រំលងអធ្រាត្រឈានចូលថ្ងៃទី១២ ខែឧសភា ឆ្នាំ២០១៨ បុរសម្នាក់បើកម៉ូតូធ្លាក់ចូលលូទឹកស្អុយ បណ្តាលឲ្យរងរបួសស្រាល ខណៈពេលដែលរូបគាត់ចេញពីផឹកស៊ី ជួបជុំគ្នា​ជាមួយ​មិត្តភក្តិ រហូតដល់​យប់​ជ្រៅ​ទើប​បែក​គ្នា​ទៅផ្ទះរៀងៗខ្លួន ស្ថិតក្នុង​សង្កាត់​ស្ទឹងមានជ័យ​ទី១ ខណ្ឌមានជ័យ រាជធានី​ភ្នំពេញ។

ជនរងគ្រោះបានបន្តទៀតថា​ គាត់បើកម៉ូតូម៉ាក ​ហុងដា​ឌ្រី​ម១២៥ ស៊េរី០១៤ ពណ៌​ខ្មៅ មាន​ស្លាក​លេខ​ភ្នំពេញ​1CF-0774 លុះដល់ចំណុចកើតហេតុ ស្រាប់តែងោកមួយភាំង រួចក៏ជ្រុលចង្កូតបុកទុយោដែក ផ្លោង​មនុស្ស​ទៅលើ​ចិញ្ចើមផ្លូវ​មុខផ្ទះ​ប្រជាពលរដ្ឋ បណ្តាល​ឲ្យ​រងរបួស​បែក​មុខ​បែក​មាត់​រលាត់​ដៃជើង។ ចំណែក​ម៉ូតូ​ធ្លាក់​ចូលក្នុង​លូទឹកស្អុយ សំណាងល្អ​មិន​ធ្លាក់​មនុស្ស​ចូល ៕ ដោយ៖ នី