រាជធានី​ភ្នំពេញ ៖ គ្រាប់បែក​នេះ​បាន​កប់​នៅ​ក្នុង​ដី​ជិត​៥០​ឆ្នាំ​ ចំនួន៣គ្រាប់ត្រូវបានមន្រ្តីស៊ីម៉ាក់ (CMAC) ធ្វើការ​ដោះ​បន្សាប​ដោយ​ជោគជ័យ ដែលនេះគឺជាគ្រាប់បែកទម្លាក់ពីលើយន្តហោះរបស់អាមេរិក ប្រភេទ MK៨២ ក្នុង​ទសវត្សរ៍​ឆ្នាំ​១៩៧០ ចំនួន​៣​គ្រាប់​នៅ​ក្នុង​ខេត្តព្រៃវែង ។

បើតាសម្តីរបស់លោក ហេង រតនា អគ្គនាយក​ស៊ី​ម៉ាក់​ កាលពីថ្ងៃទី១០ ខែឧសភា បានប្រាប់ថា គ្រាប់បែក​ទាំង​៣​គ្រាប់​នេះ ត្រូវ​បាន​រក​ឃើញ​នៅ​៣​ទីតាំង​ផ្សេង​គ្នា​ក្នុង​ខេត្តព្រៃវែង គ្រាប់បែក​២​គ្រាប់ ត្រូវ​បាន​រក​ឃើញ​ក្នុងភូមិ​២​ផ្សេង​គ្នា​ក្នុងស្រុក​ពាម​រក៍ និង​១​គ្រាប់​ទៀត​រក​ឃើញ​នៅ​ស្រុក​បាភ្នំ ។ គ្រាប់បែកចំនួន៣គ្រាប់នេះបានកប់នៅក្នុងដីជិត៥០ឆ្នាំមកហើយ ជាគ្រាប់បែបទម្លាក់ពីយន្តហោះអាមេរិក តែទោះជាយ៉ាងណាមន្រ្តីស៊ីម៉ា់ក់បានធ្វើការបន្សាបរួចរាល់ហើយ។ មួយរយៈពេលចុងក្រោយមកនេះមន្រ្តីស៊ីម៉ាក់ បានរកឃើញ និងដោះបន្សាបគ្រាប់បែកជាច្រើនគ្រាប់ដែលទម្លាក់យន្តហោះអាមេរិកនោះ។ ដោយ៖ និស្ស័យ