មុននេះបន្ដិចហ្វេសប៊ុករបស់អ្នកវិភាគសង្គមវ័យក្មេងលោក វិល្លាម បានសរសេររៀបរាប់ថា៖ «ល្មមដល់វេនអ្នកនយោបាយជំនាន់ថ្មីបញ្ចេញស្នាដៃម្ដងហេីយ ។ ពួកយេីងជាអ្នកនយោបាយជំនាន់ថ្មី ដែលដឹងតួនាទីខ្លួនតែមួយមុខគត់ ថាពួកយេីងជា អ្នកបំរេីដ៏ស្មោះស្ម័គរបស់អ្នកដែលជាពលរដ្ឋ

តែពួកយេីងក៏ចង់ពន្យល់ទៅកាន់អ្នកអោយក្លាយជាពលរដ្ឋមានវិន័យ សេចក្ដីថ្លៃថ្នូរ ជាមុន ដេីម្បី ក្លាយជាចៅហ្វាយល្អរបស់ពួកយេីងដូចគ្នាដែរ សង្គមនេះបានបង្ករការឈឺចាប់ច្រេីនណាស់ហេីយ ទឹកដីក៏បាត់ដែនកោះក៏បង់ សង្គមរញ៉េរញ៉ៃ មន្ត្រីកាន់តែឡេឡឺ ឃេីញហេីយតឹងទ្រូង ចង់ជួយជួយមិនកេីត ទេីបពួកយេីងចេញមុខមកធ្វេីនយោបាយ ព្រោះមានតែវិធីនេះមួយគត់ទេីបអាចជួយគ្នាបាន ព្រោះយេីងទាំងអស់គ្នាសុទ្ធតែជាជនរងគ្រោះដូចគ្នា . អ្នកនយោបាយជំនាន់ថ្មីត្រូវតែចេញមុខប្រយុទ្ធប្រឆាំងអំពេីមិនត្រឹមត្រូវ សម្ដីឡេឡឺរបស់ពួកអ្នកកាន់អំណាច ហេីយយកភាពចំណេញពិតប្រាកដមកជូនពលរដ្ឋ អ្នកនយោបាយជំនាន់ថ្មីដាច់ខាតត្រូវលុបបំបាត់ចោលវប្បធម៌ដ៏អាក្រក់ដែលអ្នកនយោបាយ តាំងខ្លួនជាទេវតា បញ្ចេញសារនយោបាយបង្វិលពលរដ្ឋដូចអាប៉ោង ដែលជាដានជេីងដ៏អាក្រក់របស់អ្នកនយោបាយមួយចំនួន ត្រូវឈរលេីតួនាទីជាអ្នកនយោបាយសភាវៈល្អចេញប្រយុទ្ធនឹងអំពេីអាក្រក់ ក្រុមអ្នកនយោបាយរបស់គណបក្សខ្មែរក្រោក ដាច់ខាតមិនត្រូវយកការឈឺចាប់របស់ពលរដ្ឋមកវិនិយោគទាញយកចំណេញដល់បក្សជាដាច់ខាត ព្រោះមានក្រុមអ្នកនយោបាយច្រេីនណាស់ហេីយដែលយកការឈឺចាប់របស់រាស្ត្រមកនិយាយប្រជាភិថុតយកតែចំណេញនយោបាយខ្លួន បណ្ដុះតែគំនិតបក្សនិយមជាជាងជាតិនិយម ។ បង្កេីតមនសិកាក្រៅពីក្រុមខ្លួនគឺគ្មាននរណាល្អ ល្មមឈ់ដេកត្រាំក្នុងវប្បធម៌ដ៏មហាសែនចាស់គំរិលនេះទៅ ។ ក្រោកឡេីង «ក្រោកឡេីង កសាងមាតុភូមិយេីងអោយរុងរឿងជាថ្មីម្ដងទៀត»» ។ គួរបញ្ជាក់ផងដែរថា គណបក្ស​ខ្មែរ​ក្រោក របស់​លោក សុខសុវណ្ណ វឌ្ឍនាសាប៊ុង (វិល្លាម) ត្រូវ​បាន​ក្រសួង​មហាផ្ទៃ​អនុញ្ញាត​ឲ្យ​បង្កើត​ជាផ្លូវការ ស្រប​តាម​បទប្បញ្ញត្តិ​មាត្រា​៩ ត្រង់​វាក្យ​ខណ្ឌ​ទី​១ នៃ​ច្បាប់​ស្តីពី​គណបក្ស​នយោបាយ។ នេះ​បើ​តាម​លិខិត​របស់​សម្តេច ស ខេង ឧប​នាយករដ្ឋមន្ត្រី រដ្ឋមន្រ្តី​ក្រសួង​មហាផ្ទៃ ផ្ញើ​ទៅ​កាន់​ស្ថាបនិក​គណបក្ស​ នៅ​ថ្ងៃ​ទី៣០ ខែ​មេសា ឆ្នាំ​២០១៨។ បើ​តាមការបញ្ជាក់​​របស់​លោក​ ព្រំ ពិសិដ្ឋ​ ប្រធាន​កិត្តិយសគណបក្ស​ខ្មែរ​ក្រោក នៅ​ព្រលប់​ថ្ងៃទី​១២ ខែ​ឧសភា​នេះ បានអោយដឹងថា ក្រសួង​មហាផ្ទៃ​ បាន​ចុះ​បញ្ជី​គណបក្ស​ខ្មែរ​ក្រោក នៅ​ក្នុង​បញ្ជី​គណបក្ស​នយោបាយ​នៅ​ក្រសួង​មហាផ្ទៃ​ជាផ្លូវ​ការ​ហើយ កាល​ពី​ថ្ងៃ​ទី១១ ខែឧសភា ឆ្នាំ២០១៨។