អីយ៉ា​ ពេលនេះបងប្អូន ឈប់បារម្មណ៏នៅការនាំចូល បន្លែ ផ្លែឈើពីរប្រទេសវៀតណាមទៀតទៅ ពីរព្រោះក្រុមហ៊ុនវៀតណាម FLC Group គ្រោងបោះទុន ១ពាន់លានដុល្លារ វិនិយោគលើការដាំដុះបន្លែ និង ផ្លែឈើនៅកម្ពុជាហើយ ឯកឧត្តម វេង សាខុន រដ្ឋមន្ត្រីក្រសួងកសិកម្ម រុក្ខាប្រមាញ់ និង នេសាទ បានអនុញ្ញាតឱ្យគណៈប្រតិភូក្រុមហ៊ុនវៀតណាម FLC Group ដែលមានបំណងចង់បោះទុនវិនិយោគលើវិស័យកសិកម្ម ទេសចរណ៍ អាកាសចរណ៍ និង សណ្ឋាគារ បានចូលជួបពិភាក្សាការងារ កាលពីថ្ងៃទី ១០ ខែ ឧសភា ​ឆ្នាំ ២០១៨នេះ ។

ដោយកិច្ចពិភាក្សានោះ បានផ្តោតលើចំណុចសំខាន់ៗមួយចំនួនរួមមាន ៖ ១- ការបោះទុនវិនិយោគលើការដាំដុះបន្លែ ម្ទេស និង ផ្លែឈើមួយចំនួន ។ ២- ការកែឆ្នៃ និង វិចខ្ចប់ ផលិតផលកសិកម្ម នៅកម្ពុជាក្នុងគោលបំណងនាំចេញក្រៅប្រទេ ។ ប្រទេសកម្ពុជាគឺជាប្រទេសកសិកម្មដ៏ធំមួយ ដែលមានប្រជាពលរដ្ឋជាង៧០ភាគរយប្រកបរបរកសិកម្ម ដោយមើលឃើញពីសក្តានុពលលើវិស័យកសិកម្មនេះហើយ ទើបក្រុមហ៊ុនវៀតណាមមានគោលបំណងចង់វិនិយោគនៅកម្ពុជា ។ ប្រភពៈ ណុត