គ្រួសារតារាចម្រៀងអ្នកនាង យក់ ឋិតរដ្ឋា និងលោក ឃុំ ប៉ុណ្ណាដែត ត្រូវបានមហាជនចាត់ទុកជាគូស្នេហ៍គំរូមួយក្នុងពិភពសិល្បៈព្រោះពួកគេទាំងពីរនាក់បានចាប់ដៃគ្នាកសាងសុភមង្គលជាមួយគ្នាអស់រយៈពេលកន្លងមក១៣ឆ្នាំហើយ ។

ជាមួយគ្នានេះដែរ ដើម្បីបញ្ជាក់ពីការស្រលាញ់រវាងគ្នា ជាមួយនឹងគ្រួសារ យ៉ាងមានសុភមង្គល ស្របពេលដែលគូស្វាម៉ីភរិយាមួយចំនួន ជ្រើសរើសការធ្វើពិធីធំដុំ ដើរលេងកន្លែងថ្លៃៗនោះប្ដីប្រពន្ធមួយគូនេះបែរជាធ្វើខួបអាពាហ៍ពិពាហ៍ជាមួយនឹងនំខេកមួយទៅវិញយ៉ាងសាមញ្ញបំផុត ។ យ៉ាងណាមិញក្រោយពីឃើញគ្រួសារគំរូមួយនេះមិនបង្អួតបែរជាមានមហាជនមួយចំនួនលើកឡើងថា«ការជួបជុំគ្រួសារបែបនេះ មិនប្រាកដថាមិនមានសុភមង្គលនោះឡើយ សំខាន់នៅលើអ្វីដែលយើងចេះបង្កើតឡើង ដូចជាគ្រួសាររបស់តារារូបនេះចឹង»៕