ខេត្ត​កំពង់​ឆ្នាំ ៖ កាលពីថ្ងៃទី១៤ ខែឧសភា ឆ្នាំ​២០១៨ មានស្រ្តីម្នាក់ បានឈឺពោះឆ្លងទន្លេរ ហើយត្រូវបានប្តីរបស់គាត់ ដឹកទៅកាន់មណ្ឌល​សុខភាព​ស្រុក​បរិបូណ៌​ ប៉ុន្តែ​ត្រូវ​ក្រុម​គ្រូពេទ្យ​ប្រាប់​ថា កូន​ក្នុង​ផ្ទៃ​កើតមក​ដោយ​លំបាក​ត្រូវ​តែ​បញ្ជូន​ទៅ​សង្គ្រោះ​នៅ​ឯ​មន្ទីរពេទ្យ​ខេត្តកំពង់ឆ្នាំងវិញ ដោយក្រុមគ្រូពេទ្យបង្ខំទារប្រាក់ចំនួន១០​ម៉ឺន​រៀល​ទើប​ឱ្យ​រថយន្ត​របស់​មន្ទីរពេទ្យ​បង្អែក​ស្រុក​បរិបូរណ៍​ដឹក​ទៅ​មន្ទីរពេទ្យ​ខេត្តកំពង់ឆ្នាំង ។

បុរសជាប្តីស្រ្តីឆ្លងទន្លេរមានឈ្មោះ ម៉ក់ រាក់ អាយុ​២៦​ឆ្នាំ បានប្រាប់ថា គាត់បានដឹកប្រពន្ធទៅសម្រាលកូន​នៅ​មន្ទីរពេទ្យ​បង្អែក​ស្រុក​បរិបូណ៌ ។​ ប៉ុន្តែ​ពេល​មក​ដល់​គ្រូពេទ្យ​ប្រាប់​ថា កូន​ក្នុង​ផ្ទៃ​កើតមក​ខុស​ប្រក្រតី ត្រូវ​ទៅ​កើត​នៅ​មន្ទីរពេទ្យ​បង្អែក​ខេត្ត តែ​ត្រូវ​បង់​សេវា​១០​ម៉ឺន​រៀល​ទើប​ឱ្យ​រថយន្ត​ដឹក​ទៅ បើ​គ្មាន​ទេ​ដឹក​តាម​ម៉ូតូ ឬ​តុ​តុ​ទៅ ។ ស្រ្តីរងគ្រោះ ហឹ​ម គិ​ម​ឈី អាយុ​២២​ឆ្នាំ ដែលជាប្រពន្ធបុរសខាងលើបានប្រាប់ថា បើ​គ្មាន​ប្រាក់​ប៉ុណ្ណឹង​ទេ​រក​ម៉ូតូ ឬ​ម៉ូតូ​កង់​បី​(​តុ​តុ​) ជិះ​ទៅ ដោយអ្នកទាំងពីរស់នៅ ​ភូមិ​កោះ​មនោ ឃុំ​ឆ្នុកទ្រូ ស្រុក​បរិបូណ៌។ បុរសជាប្តីបានប្រាប់ទៀតថា ក្រោយពីគ្មានជំរើស ណាមួយប្រពន្ធក៏ឈឺពោះកាន់តែខ្លាំងផងនោះ ខ្លួនក៏ជួល​ម៉ូតូ​កង់​បី​(​តុ​តុ​)​ក្នុង​តម្លៃ​៤​ម៉ឺន​រៀល ដឹក​ទៅ​មន្ទីរពេទ្យ ប៉ុន្តែ​ពេល​ដឹក​មក​ដល់​ចំណុច​ស្ពាន​អង្កាម​ដែល​មាន​ចម្ងាយ​ជាង​១០​គីឡូម៉ែត្រ​ពី​មន្ទីរពេទ្យ​បង្អែក​ស្រុក​បរិបូណ៌ ស្រាប់តែ​ឃើញ​រថយន្ត​របស់​មន្ទីរពេទ្យ​ស្រុក​បរិបូណ៌​មក​តាម​ក្រោយ​រួច​ក៏​បាន​ដឹក​ប្រពន្ធ​ខ្ញុំ ទៅ​មន្ទីរពេទ្យ​ខេត្ត​ដើម្បី​សម្រាលកូន ។ បើតាមការៀបរាប់របស់ស្ត្រីខាងលើបានប្រាប់ថា "មន្ទីរពេទ្យបានប្រាប់គាត់ថា ខាងមន្ទីរពេទ្យមិនមានសំភារៈគ្រប់គ្រាន់ ណាមួយពេលគ្រូពេទ្យពិនិត្យទៅថា ស្បូនស្រ្តីនោះមានបញ្ហា ហើយគ្រូពេទ្យក៏បានប្រាប់ទៀតថា ហើយជិះឡានពេទ្យសេវាកម្មគឺចំណាយអស់១០ម៉ឺនរៀល ក្រោយពីចេញពីពេទ្យវិញទាំងពីនាក់ប្តីប្រពន្ធក៏មិនបានសួរនាំពេទ្យឲ្យបានច្បាស់លាស់ដែរ ដោយគាត់ប្រាប់ថា ពេលវាកាន់តែយប់ហើយ នាមួយគាត់ក៏ឈឺពោះទៀត ក៏សម្រេចចិត្តជិះកង់បីមកតែម្តងទៅ ពេលមកដល់ពាក់កណ្តាលផ្លូវស្រាប់តែឡានពេទ្យមកដឹកពួកគាត់នៅពាក់កណ្តាលផ្លូវ "នេះបើតាមការរៀបរាប់របស់ស្រី្តសំរាលកូនខាងលើ៕ មានវីដេអូ៖ ដោយ៖ សុបន្តិ ប្រភព៖ វិទ្យុ រិទ្ធិសែន ខេត្តកំពង់ឆ្នាំង