ប៉ា​គី​ស្ថាន៖​ បុរសម្នាក់ត្រូវបាន ឪពុក និងបងប្រុសបង្កើត ចាប់ខ្វេះភ្នែកទាំងពីរចេញ បន្ទាប់ពីបុរសរូបនោះ បានស្នើរទៅគ្រួសារគាត់ សុំរៀបការជាមួយមនុស្សដែលគាត់ស្រលាញ់ នេះបើយោងតាមប្រភព​ព័ត៌មាន metro។

ជនរងគ្រោះមានឈ្មោះថា Abdul Baqi អាយុ២២ឆ្នាំ នៅ​ភូមិ Nasirabad ក្នុង​ខេត្ត Balochistan ប្រទេស​ប៉ា​គី​ស្ថាន បានប្រាប់ទៅគ្រួសាររបស់គាត់ គាត់បានស្រលាញ់គ្នាជាមួយមិត្តស្រីរបស់គាត់ ហើយគាត់ក៏ចង់រៀបការជាមួយមិត្តស្រីរបស់គាត់ដែរ។ ពេល​នោះ​គ្រួសារ​របស់​គេ​មិន​បាន​ថា អ្វី​ទេ​។ បន្ទាប់ពីដំណឹងនេះបានលឺដល់ឪពុក និងបងប្រុសចំនួន៤នាក់ទៀត ដែលលោកឪពុកមានឈ្មោះថា Dost Muhammmad មានអាយុ៧០ឆ្នាំ និងកូនប្រុសបួននាក់ទៀតមានឈ្មោះ Abdul Ghani, Abdul Sattar, Abdul Rehman និង Abdul Karim បាន​នាំ​រូបគេ​ទៅ​កាន់​បន្ទប់​មួយ ហើយ​ខ្វេះ​យក​ភ្នែក​ទាំង​សងខាង​តែម្តង។ នៅពេលនោះដែរ ស្រ្តីដែលជាម្តាយមិនអាចចេញមកជួយកូនប្រុសបាននោះទេ ដោយសារតែត្រូវប្តីកំណាចនិងកូនប្រុស ចាប់ឃុំខ្លួននៅក្នុងបន្ទប់ទៅហើយ។ ប្រភពពី metro​ បានប្រាប់ថា​ Baqi បានរៀបរាប់នៅគ្រែមន្ទីរពេទ្យទាំងការឈឺចាប់ថា បើទោះបីជាគាត់ខំប្រឹងស្រែកអង្វរឪពុកនិងបងយ៉ាងណាក៏គាត់មិនឈប់សកម្មភាពគាត់ដែរ។ បន្ទាប់ពីខ្វេះភ្នែកគាត់រួច ជនរងគ្រោះបានសូមណូមពរទៅកាន់ឪពុកថា សម្លាប់គាត់តែម្តងទៅ តែគ្មាននរណាម្នាក់ធ្វើនោះទេ។ ឪពុកជនរងគ្រោះបានបោះពាក្យថា ការ​ធ្វើ​បែប​នេះ​មក​ពី​ចង់​ព្រមាន​ដល់​ក្មេង​ក្នុងភូមិ​ឯទៀត កុំ​ឲ្យ​ចេះ​តែ​ចង់បាន​ប្រពន្ធ​ស្រេច​តែ​ចិត្ត​។ ក្រោយពេលកើតហេតុហើយ ជនរងគ្រោះត្រូវរស់នៅទាំងបាត់បង់ភ្នែកទាំងគូរ ចំណែកឪពុកនិងបងប្រុសពីរនាក់ទៀតត្រូវបានប៉ូលីសចាប់ខ្លួន រីឯពីរនាក់បានរត់គេចខ្លួនបាត់ហើយ៕ https://metro.co.uk/video/mans-eyes-gouged-spoon-family-1690076/?ito=vjs-link ប្រភព៖ metro