ព្រះសីហនុ៖ ករណីគ្រោះថ្នាក់ចរាចរណ៍រវាងរថយន្ត​ដឹក​ប្រេង​ឥ​ន្ធ​នះ របស់​ក្រុមហ៊ុន Lim Long ព្រលះ​រថយន្ត​តួ​រី​ស​មួយគ្រឿង​ខូចខាត អស់​កំណាត់​ក្រោយ​តែ​មិន​បណ្តាល​ឲ្យ​មាន​ជនណាម្នាក់​រងរបួស​នោះទេ។ ហេតុការណ៍នេះកើតឡើង​កាលពីថ្ងៃទី១៨ ខែឧសភា ឆ្នាំ២០១៨ នៅ​ចន្លោះ​គីឡូម៉ែត្រ១២៨-១២៩ ស្ថិតនៅ​ភូមិ​វាល ឃុំ​កំពង់សីលា ស្រុក​កំពង់សីលា ខេត្ត​ព្រះសីហនុ។

មុនកើតហេតុមានរថយន្ដ​ពីរ​គ្រឿង មាន​ទិសដៅ​ស្រប​ទិស​គ្នា(ទៅ​ភ្នំពេញ)រវាងរ​យន្ដ​ដឹក​ប្រេង​របស់​ក្រុមហ៊ុន Lim Long ពាក់​ស្លាក​លេខ​ភ្នំពេញ​3D 8952 បើកបរ​ដោយ ឈ្មោះ រ៉េត ឧ​ត្ត​ម អាយុ ២៧ឆ្នាំ មាន​ទីលំនៅ ភូមិ​អំពិល​ក្រៅ ឃុំ​អំពិល​ក្រៅ ស្រុក​ស៊ីធរ​កណ្ដាល ខេត្តព្រៃវែង បាន​បុក​ពីក្រោយ​រថយន្ដ samyong ពណ៌​ស ពាក់​ស្លាក​លេខ ភ្នំពេញ 2AF 0472 បើកបរ​ដោយ​ឈ្មោះ ផេង មករា មាន​ទីលំនៅ ភូមិ​ត្រពាំង​គង ឃុំ​ត្រពាំង​គង ស្រុក​សំរោង​ទង ខេត្តកំពង់ស្ពឺ ក្នុងករណីនេះ​ពុំ​បណ្ដាល​ឲ្យ​នរណាម្នាក់​រងរបួស​ឡើយ ៕