សកម្មភាពសមសម្ដែងសម្រាប់ការប្រកួតកីឡាជាតិលើកទី២ ឆ្នាំ២០១៨ សកម្មភាពនៃការសមសម្ដែងរបស់គរុនិស្សិត សហភាពសហព័ន្ធយុវជនកម្ពុជា កងទ័ពពិសេសឆ័ត្រយោង៩១១ និងសិស្សានុសិស្ស សម្រាប់សម្ដែងក្នុងពិធីបើកការប្រកួតកីឡាជាតិលើកទី២ ឆ្នាំ២០១៨ ដែលនឹងប្រព្រឹត្តិទៅនាថ្ងៃទី២៥ ខែឧសភា ឆ្នាំ២០១៨ ខាងមុននេះ នៅពហុកីឡដ្ឋានជាតិ ។ សូមចូលរួមទស្សនាដោយសេរីក្នុងព្រឹត្តិការណ៍ប្រកួតកីឡាជាតិលើកទី២ ឆ្នាំ២០១៨ ។ សេចក្ដីប្រកាសព័ត៌មាន ស្ដីពី ការប្រកួតកីឡាជាតិលើកទី២ ឆ្នាំ២០១៨ ក្រសួងអប់រំ យុវជន និងកីឡា សូមជម្រាបសាធារណជនមេត្តាជ្រាបថា ការប្រកួតកីឡាជាតិលើកទី២ ក្រោមប្រធានបទ "កីឡានាំមកនូវសន្តិភាព និងការអភិវឌ្ឍ" ដែលនឹងប្រព្រឹត្តិចាប់ពីថ្ងៃទី២៥ ខែឧសភា ដល់ថ្ងៃទី០៤ ខែមិថុនា ឆ្នាំ២០១៨ ក្នុងគោលបំណងវាស់ស្ទង់គុណផលកីឡាតាមប្រភេទកីឡានីមួយៗ ក៏ដូចជាហ្វឹកហ្វឺនមន្ដ្រីរៀបចំការប្រកួត មន្ដ្រីអាជ្ញាកណ្ដាល និងចៅក្រមក្នុងការត្រៀមលក្ខណៈឈានឆ្ពោះទៅធ្វើជាម្ចាស់ផ្ទះនៃការប្រកួតកីឡាស៊ីហ្គេម លើកទី៣២ ឆ្នាំ២០២៣ នាពេលមុខ។
