មុននេះបន្ដិចគណនេយ្យហ្វេសប៊ុកលោក វិល្លាម អ្នកវិភាគសង្គមដែលកំពុងទទួលបានប្រជាប្រិយភាពយ៉ាងច្រើនពីមហាជនបានបង្ហោះសារថា៖ «បងប្អូនប្រជាពលរដ្ឋដឹងទេ ? ថាខេត្តកោះកុងរដ្ឋាភិបាលបានប្រគល់សិទ្ធជាតំបន់ស្វ័យតសេដ្ឋកិច្ចដាច់មុខអោយទៅឧកញ៉ា លីយ៉ុង ផាត់ ដែលល្បីរន្ទឺប៉ះពាល់ដល់ប្រជាពលរដ្ឋផ្នែកដីធ្លីរហូតគេផ្ដល់នាមថា «ឧកញ៉ាអំពៅឈាម»

ងាកមកបញ្ហារួមវិញ ខេត្តកោះកុង ខ្ញុំចាត់ទុកជាតំបន់ឋានសួគ៍ធម្មជាតិទី២នៅកម្ពុជា បន្ទាប់ពីខេត្តមណ្ឌលគិរី , រតនគិរី ការយកខេត្តដ៏សែនស្រស់ស្អាតទៅទុកចោលដោយគ្មានការអភិវឌ្ឍន៍តំបន់ទេសចរណ៍ដ៏ប្រណិតនេះ ហេីយអោយសិទ្ធស្វ័យតសេដ្ឋកិច្ចទៅមនុស្សម្នាក់គ្រប់គ្រងបានធ្វេីអោយកម្ពុជាខាតបង់ប្រាកចំណេញពីការទទួលផលផ្នែកទេសចរណ៍រាប់សិបលានដុល្លាក្នុងមួយឆ្នាំ ជាពិសេសពលរដ្ឋក្នុងតំបន់មានភាពក្រីក្រច្រេីន ជាតំបន់ស្ងាត់ជ្រងុំដូចចោលួចសេះ ពលរដ្ឋភ្ញាក់ពីព្រឹកទៅធ្វេីការរោងចក្រនៅជាយដែនថៃ ព្រោះសក្តានុពលខេត្តមិនត្រូវបានគេលេីកតំកេីង ឱកាសការងារក៏ពុំសូវមានបេីធៀបនឹងខេត្តឈៀងមៃរបស់ថៃដែលមានទេសភាពស្អាតមិនស្មេីកោះកុងតែប្រទេសថៃអាចទទួលបានចំណូលមធ្យមពី៩០លាន ទៅ១៥០លានពីវិស័យទេសចរណ៍ក្នុងខេត្តរបស់គេ ចុះខ្មែរវិញ? នេះបញ្ជាក់ពីភាពកម្សោយរបស់រដ្ឋាភិបាលលោក ហ៊ុន សែន ជាប្រមុខរាជរដ្ឋាភិបាល ដែលយកឋានសួគ៍មួយត្រូវទទួលបានចំណូលរាប់លានទៅអោយមនុស្សម្នាក់កាន់កាប់ ទស្សនផ្ទាល់របស់ខ្ញុំ ៖ រដ្ឋាភិបាលត្រូវដកហូតសិទ្ធស្វ័យតសេដ្ឋកិច្ចពីឧកញ៉ារូបនេះ ហេីយយកចិត្តទុកដាក់ អភិវឌ្ឍន៍បន្ថែមនៅខេត្តនេះ ជាពិសេសជម្រុញអោយ ពលរដ្ឋខ្មែរដែលមានគំនិតខាងវិនិយោគផ្នែកទេសចរណ៍អោយពួកគេមានឱកាសចូលវិនិយោគ ជួសជុល រចនាបន្ថែមនូវខេត្តដ៏ប្រណិតនេះអោយក្កាយជាតំបន់ទេសចរណ៍ថ្នាក់ជាតិនឹងថ្នាក់អន្តរជាតិ . ហេីយរដ្ឋនឹងទទួលបានចំណូលយ៉ាងក្រាស់ក្រែលជាមិនខាន ។ វាជារឿងល្ងង់មួយដែលយកដុំពេជ្រទៅទុកចោលមិនព្រមឆ្នៃ ដុំពេជ្ររួមសោះ អោយមនុស្សម្នាក់កេងយកប្រយោជន៍ វាសមទេ ?»