ភ្នំពេញ ៖ កម្លាំងនគរបាលប៉ុស្តិ៍ទំនប់ទឹក បានធ្វើការឃាត់ខ្លួនជនសង្ស័យ៣នាក់ កាលពីវេលាម៉ោង១ និង២០នាទីយប់រំលងអធ្រាត ឈានចូលថ្ងៃទី២៣ ខែឧសភា ឆ្នាំ២០១៨ នៅតាមបណ្ដោយផ្លូវលេខ៤០២ ក្បែររបងស្ថានទូតចិន​ ស្ថិតក្នុងសង្កាត់ទំនប់ទឹក​ ខណ្ឌចំការមន ក្រោយពីពួកគេលាក់ប្រដាប់កាច់កម៉ូតូនិងកូនសោរខ្សៀមួយចំនួនតាមខ្លួន ។

សមត្ថកិច្ចបានឲ្យដឹងថា ជនសង្ស័យទាំង៣នាក់ខាងលើ ទី១មានឈ្មោះ ជា ហេង ភេទប្រុស អាយុ៣៣ឆ្នាំ មុខរបកម្មករលើកបន្លែនៅផ្សារដើមគរ ស្នាក់នៅម្ដុំផ្សារដើមគរ ខណ្ឌទួលគោក ។/ទី២មានឈ្មោះសួសរ៉េតភេទប្រុសអាយុ២៦ឆ្នាំមុខរបកម្មករលើកបន្លែនៅផ្សារដើមគរ​ ស្នាក់នៅក្រោយមន្ទីរពេទ្យរុស្សុី ។ និងទី៣៖មានឈ្មោះសំរិទ្ធ ទូរ ភេទប្រុស អាយុ៣២ឆ្នាំមុខរបបមិនពិតប្រាកដ ស្នាក់នៅម្ដុំឈូកទិព្វ ខណ្ឌទួលគោក ។ យោងតាមប្រភពពីសមត្ថកិច្ចបានឲ្យដឹងថា នៅមុនពេលឈានទៅដល់ការឃាត់ខ្លួនជសង្ស័យទាំង៣នាក់ខាងលើ គឺកម្លាំងនគរបាលទំនប់ទឹកកំពុងជិះល្បាតក្នុងភូមិសាស្ត្ររបស់ខ្លួន ដើម្បីទប់ស្កាត់បទល្មើសផ្សេងៗ និងការពាសុវត្តិភាពជូនប្រជាពរដ្ឋក្នុងមូលដ្ឋាន ហើយក៍ប្រទះឃើញជនសង្ស័យ៣នាក់ជិះម៉ូតូ១គ្រឿងម៉ាកFZ ពណ៌ទឹកប្រាក់ ពាក់ស្លាកលេខភ្នំពេញ.1BA-1128 កំពុងធ្វើដំណើរតាមបណ្ដោយផ្លូវ៤០២ ទិសដៅពីជើងទៅត្បូង ដោយមានការសង្ស័យ ក៏បានជិះម៉ូតូដេញតាមកាក់ឲ្យឈប់ហើយបានធ្វើការឆែកឆេរស្រាប់រកឃើញដែកចុងស្រួចប្រដាប់កាច់កម៉ូតូនិងកូនសោរមួយចំនួនរួចក៍ឃាត់យកមកប៉ុស្តិ៍តែម្ដង។ បច្ចុប្បន្នជនសង្ស័យទាំង៣នាក់រួមទាំងវត្ថុតាងត្រូវបានសមត្ថកិច្ចយកទៅសាកសួរនៅប៉ុស្ដិ៍នគរបាលទំនប់ទឹក និងធ្វើកំណត់ហេតុកសាងសំណុំរឿងបញ្ជូនទៅអធិការដ្ឋាននគរបាលខណ្ឌចំការមន ដើម្បីចាត់ការបន្តតាមនីតិវិធីនៃច្បាប់ ៕ ដោយៈ ភារ៉ា