ខេត្តព្រះសីហនុ នាវាចម្បាំងកងទ័ពជើងទឹកប្រទេសរុស្សីចំនួន០៣គ្រឿងបានចូលចតកំពង់ផែក្រុងព្រះសីហនុ កាលពីម៉ោង៩.៣០នាទី ព្រឹកថ្ងៃទី២២ ខែឧសភា ឆ្នាំ២០១៨ ក្នុងដំណើរទស្សនកិច្ចមកព្រះរាជាណាចក្រកម្ពុជារយៈពេល៥ថ្ងៃ។ មន្ត្រីកងទ័ពជើងទឹកកម្ពុជាដែលធ្វើបដិសណ្ឋារកិច្ចពេលនាវាចូលដល់កំពង់ផែថ្លែងថា នាវាចម្បាំងកងទ័ពជើងទឹករុស្សីចំនួន០៣គ្រឿងនេះរួមមាន

នាវាទី១ឈ្មោះ Admiral Vinogradov លេខ៥៧២ ជានាវាពិឃាត បណ្តោយ ១៦៣ ម ទទឹង ១៩ ម ជម្រៅទឹក ៧,៨ ម ទម្ងន់ផ្ទុក ៧,៩០០តោន មានចំនួននាវឹក៣៧៨នាក់ នាវាទី២ ឈ្មោះ Adimral Tribus លេខ៥៦៤ ជានាវាពិឃាត បណ្តោយ ១៦៣ ម ទទឹង ១៩ ម ជម្រៅទឹក ៧,៨ម ទម្ងន់ផ្ទុក ៧,៤៨០ម មាននាវឹក៣៧៨នាក់ នាវាទី៣ឈ្មោះ Pechem Kolpashikov ជានាវាផ្គត់ផ្គង់ភស្តុភារ បណ្តោយ ១៣០ម ទទឹង ២០ម មាននាវឹកចំនួន ៦៣នាក់ សរុបនាវឹកទាំងអស់មានចំនួន៨១៩នាក់ដឹកនាំដោយលោកវរនាវីឯក Oleg korolev មេបញ្ជាការកងនាវាចម្បាំងរុស្សុីប្រចាំតំបន់ប៉ាសុីហ្វិក។ មន្ត្រីកងទព័ជើងទឹកកម្ពុជាដ៏ដែលថ្លែងបញ្ជាក់ថា ការចូលចតរបស់នាវាចម្បាំងកងទ័ពជើងទឹកប្រទេសរុស្សីចំនួន០៣គ្រឿង ក្នុងកំពង់ផែក្រុងព្រះសីហនុនាពេលនេះ គឺជាដំណើរទស្សនកិច្ច មិត្តភាពធម្មតាដូចការចូលចតរបស់នាវាបរទេសផ្សេងៗទៀតដែរ៕ ប្រភពៈ Huy Bunleng