អីក៏ចិត្តខ្មៅម្លេះ! សពទារកម្នាក់ត្រូវឪពុកម្តាយចិត្តអប្រិយ៍យកមកបោះចោលក្នុងគំនរសម្រាម
ស៊ីថា
- 612

ភ្នំពេញ៖ ប្រជាពលរដ្ឋបានប្រទះឃើញទារកម្នាក់ដែលឪពុកម្តាយច្រកក្នុងកាបូបហើយយកមកទំលាក់ចោល​ នៅក្នុងគំនរសម្រាមបង្កការភ្ញាក់ផ្អើល​ កាលពីវេលាម៉ោង១រសៀល ថ្ងៃពុធ ៩កើត ខែជេស្ធ ឆ្នាំច សំរឹទ្ធស័ក ពស២៥៦២ ត្រូវនិងថ្ងៃទី២៣ ខែឧសភា ឆ្នាំ២០១៨ នៅចំណុចខាងកើតមាត់ស្រះ ភូមិត្រពាំងថ្លឹង៣ សង្កាត់ចោមចៅ១ ខណ្ឌពោធិ៍សែនជ័យ រាជធានីភ្នំពេញ​ ។

តាមសម្តីស្ត្រីម្នាក់បានអោយដឹងថា នៅវេលាម៉ោង៥ភ្លឺ ថ្ងៃដដែលគាត់បានឃើញបុរសម្នាក់យួរកាបូបមួយ​ ពណ៍ក្រហម មកទំលាក់ចោលនៅគំនរសម្រាមហើយដើរទៅបាត់ ហើយគាត់ក៏មិនបានចាប់អារម្មណ៍។​ លុះវេលាកើតហេតុស្រាប់តែមានបុរសអ្នករើសអេតចាយម្នាក់​មករើកកាយស្រាប់តែឃើញទារកនៅខាងក្នុងស្លាប់បាត់ទៅហើយ ទើបបង្កការភ្ញាក់ផ្អើលដល់ប្រជាពលរដ្ឋរាយការណ៍ទៅសមត្ថកិច្ចចុះមកដល់ចំណុចកើតហេតុ ក្រោយមកសមត្ថកិច្ចបានប្រគល់អោយខាងសង្កាត់យកទៅបញ្ចុះតាមប្រពៃណី។
ប្រភពមួយទៀតបានសន្និដ្ឋានថាប្រហែលឪពុកម្តាយក្រក្សត់ហើយគ្មានលទ្ធិភាព​ សម្រាប់ធ្វើបុណ្យសពកូន​ ទើបពេលដឹងថាកូនស្លាប់ក៏ច្រកក្នុងកាបូបយកមកទម្លាក់ចោលបែបនេះ​ ប៉ុន្តែទោះបីយ៉ាងណាក៏ដោយទង្វើនេះវាពិតព្រៃផ្សៃណាស់​ ៕
ដោយ៖ ភារ៉ា

Loading...