យុវជនសិស្សសាលាម្នាក់ ត្រូវរថយន្ដ​ក្រឡុក​ស៊ីម៉ងត៍​បើកបុកបណ្ដាលឲ្យរងរបួស​ធ្ងន់​ធ្ងរ​ ឯរថយន្ដ​ព្យាយាមបើកគេច​ តែត្រូវប្រជាពលរដ្ឋតាមចាប់បាន
ស៊ីថា
- 558

ខេត្ត​កណ្ដាល ​៖​ យ៉ាងហោចណាស់​ក៏​មាន​ក្មេង​ប្រុស​ម្នាក់​រងរបួស​ធ្ងន់​ធ្ងរ​ ដោយជួប​គ្រោះថ្នាក់ចរាចរណ៍​មួយ​ នៅថ្ងៃពុធ ០៩ កើត ខែ ជេស្ឋ ឆ្នាំ ច សំរឹទ្ធិស័ក ព.ស២៥៦២ ត្រូវនិងថ្ងៃទី ២៣ ខែ​ ឧសភា​ ឆ្នាំ​ ២០១៨ ក្នុង​អំឡុង​វេលាម៉ោង ០៦និង៣០នាទីព្រឹក​ ​នៅលើផ្លូវជាតិលេខ១ ក្នុងចន្លោះគីឡូម៉ែត្រ​លេខ​ ២៤-២៥ត្រង់ ចំណុច ភូមិដីឥដ្ឋកោះផុស៣ ឃុំ ដីឥដ្ឋ ស្រុកកៀនស្វាយ ខេត្ត កណ្តាល។

ករណីនេះកើតឡើងរវាងម៉ូតូម៉ាក HONDA SCOOPY-I ពណ៌ ស ពាក់ស្លាកលេខ ភ្នំពេញ 1CO - 5695 បើកបរ ដោយឈ្មោះ សុខ ស៊ីថា ភេទប្រុស អាយុ ១៧ ឆ្នាំ មុខរបរសិស្ស មានទីលំនៅ ភូមិស្តៅកន្លែង២ ឃុំដីឥដ្ឋ ស្រុកកៀនស្វាយ ខេត្តកណ្តាល ដែលជិះម៉ូតូទិសដៅពីអ្នកលឿងទៅភ្នំពេញ តាមផ្លូវជាតិលេខ១ លុះពេលជិះមកដល់កន្លែងកើតហេតុខាងលើ បានបុកជាមួយរថយន្ត ម៉ាក HINO ព៌ណក្រហម ប្រភេទដឹកទំនិញ (ក្រឡុកស៊ីម៉ង់ ) ពាក់ផ្លាកលេខ ភ្នំពេញ 5A - 1361 បើកបរដោយជនមិនស្គាល់អត្តសញ្ញាណ ដែលបើកបរមានទិសដៅផ្ទុយគ្នាពេញទំហឹង បណ្តាលអោយ​រងរបួសធ្ងន់ អ្នកជិះម៉ូតូ ឈ្មោះសុខ ស៊ីថា ត្រូវ បញ្ជូនទៅព្យាបាលនៅមន្ទីរពេទ្យភ្នំពេញ ។ ភ្លាមៗនោះរថយន្តព្យាយាមបើករត់គេចខ្លួនតែត្រូវបានប្រជាពលរដ្ឋដេញចាប់បានរថយន្តចំណែកអ្នកបើករត់គេចខ្លួនបាត់។
​ ក្រោយកើតហេតុ​​ម៉ូតូ​និង​ រថយន្តត្រូវ​បាន​កម្លាំង​សមត្ថកិច្ច​ យកមករក្សារទុកជាភស្តុតាងនៅអធិការដ្ឋាននគរបាលស្រុកកៀនស្វាយ​ដើម្បី​ ដោះស្រាយ​តាម​និតិវិធីច្បាប់​។ ហើយបើតាមការសន្និដ្ឋាន​របស់​សមត្ថកិច្ច​ គ្រោះថ្នាក់ចរាចរណ៍​នេះ​បណ្ដាល​មក​ពី​អ្នកបើកបររថយន្តធ្វេសប្រហែស​ខ្វះការ​ប្រុងប្រយ័ត្ន មិនបានពិនិត្យគ្រប់ជ្រុងជ្រោយមុន ពេលបើកឆ្លងកាត់ថ្នល់៕
ដោយ៖ ភារ៉ា

Loading...