បុរសម្នាក់លួចយកទូរស័ព្ទពីនារីម្នាក់ពីក្រោយបានសម្រេចហើយ តែទូរស័ព្ទជាប់ខ្សែសាកថ្មផៅវរ័បែង ដឹងដល់ម្ចាស់ ផ្អើលឈុល ចាប់ជាប់ នាំគ្នាប្រើកែងឆេះ ជង្គង់ហោះ រងរបួសរួចប្រគល់អោយសមត្ថកិច្ច

ភ្នំពេញ៖ ហេតុការណ៍នេះបានកើតកាលពីវេលាម៉ោង៩និង៤០នាទីយប់ ថ្ងៃសៅរ៍ ទី២៧ ខែឧសភា ឆ្នាំ២០១៨នេះ ត្រង់ចំណុចរបង CITY HALL ក្នុងកោះពេជ្រ ស្ថិតក្នុងសង្កាត់ទន្លេបាសាក់ ខណ្ឌចំការមន រាជធានីភ្នំពេញ។

តាមប្រភពសមត្ថកិច្ចបានអោយដឹងថា៖ បុរសម្នាក់បានធ្វើសកម្មភាព លបចូលពីក្រោយលូកយកទូរសព្ទ័ដៃ IPhone បានសម្រេចពីយុវតីមួយក្រុម ខណៈពេលកំពុងអង្គុយលើរបង CITY HALL កោះពេជ្រ តែចៃដន្យទូរស័ព្ទជាប់ខ្សែសាកថ្មផៅវរ័បែង ដឹងដល់ម្ចាស់ ស្រាប់តែជនសង្ស័យស្ទុះរត់ចេញម្ចាស់ទូរសព្ទ័ ភ្ញាក់ស្រែកចោរៗ ផ្អើលដល់សន្តិសុខតាមចាប់បាន ប្រគល់ជូនសមត្ថកិច្ចវាយខ្នោះតែម្ដង។

មុនពេលកើតហេតុរូបគេទាំង៥នាក់ បានជិះម៉ូតូឌុបគ្នា មកអង្គុយនៅ ជាប់របង CITY Hall ហើយបានទុកទូរស័ព្ទសាកថ្មជាប់នឹងប្រដាប់សាកថ្មលើកន្លែងអង្គុយ រួចអង្គុយជជែកគ្នាលេង ដោយមិនបានចាំអារម្មណ៍ និងមិនដឹងថា ជនសង្ស័យនេះ បានដើរមកពីខាងក្នុងបរិវេណ CITY Hall មកធ្វើសកម្មភាព លបចូលពីក្រោយខ្នងលូកយកទូរសព្ទ័ដៃ IPhone របស់ខ្លួន ខណៈពេលកំពុងជជែកគ្នាលេង តែចៃដន្យពេលលូកយក ខ្សែសាកដែលដោតថ្មជាប់ទូរស័ព្ទទាក់ជើងមិត្តភក្តិរបស់ខ្លួនម្នាក់ទៀត ស្រាប់តែជនសង្ស័យស្ទុះរត់យកទូរស័ព្ទនោះទៅ ទើបភ្ញាក់ស្រែកចោរៗ ផ្អើលដល់សន្តិសុខកោះពេជ្រជួយដេញតាមចាប់បាន ហើយទាក់ទងប្រគល់ជូនសមត្ថកិច្ចវាយខ្នោះយកទៅប៉ុស្តិ៍ភ្លាមៗផងដែរ ៕