កោះកុង ៖ នៅថ្ងៃទី ២៦ ខែឧសភា ឆ្នាំ២០១៨ វេលាម៉ោង ១៩:២០ នាទីយប់ មានករណីគ្រោះថ្នាក់ចរាចរណ៍កើតឡើង ១ លើក គឺ ស្រវឹងស្រាជិះម៉ូតូដួលដោយខ្លួនឯង នៅចំណុចដងផ្លូវជាតិលេខ៤៨ ចន្លោះគីឡូម៉ែត្រ ១៣១-១៣២ ស្ថិតក្នុងភូមិអន្លង់វ៉ាក់ ឃុំតាតៃក្រោម ស្រុកកោះកុង ។

​​ម៉ូតូម៉ាក វ៉េវអាល់ហ្វា ពណ៌ខ្មៅ គ្មានស្លាកលេខ បើកបរដោយឈ្មោះ ធឿន ឆៃយ៉ា ភេទប្រុស អាយុ ២៦ឆ្នាំ ទីលំនៅភូមិ-ឃុំ កើតហេតុខាងលើ ត្រូវរងរបួសធ្ងន់ ត្រូវបានកំលាំងប៉ុស្តិ៍រដ្ឋបាលតាតៃក្រោមចុះអន្តរាគមន៍ភ្លាមៗ​​ និងបានទំនាក់ទំនងរថយន្តសង្គ្រោះ ដឹកយកទៅសង្គ្រោះនៅមន្ទីរពេទ្យបង្អែកខេត្តកោះកុង ។ ប្រភពៈ កូន ខ្លាតូច