ភ្នំពេញ៖ តាចាស់ល្មោភកាមចាប់រំលោភ​ចៅស្រី​ ទើបតែមាន​អាយុ២ឆ្នាំ១០ខែ បណ្តាលអោយរបួសផ្លូវភេទធ្ងន់ធ្ងរ​ហូរឈាម​មិន​ឈប់ ត្រូវចាប់ខ្លួន កាលពី​ថ្ងៃទី២៥ ខែឧសភា ឆ្នាំ២០១៨ នៅ​បន្ទប់​ជូ​ល​ភូមិ​ជ្រៃ​កោ​ក សង្កាត់​ចោ​ច​ចៅ២ ខណ្ឌ​ពោធិ៍​សែន​ជ័យ រាជធានី​ភ្នំពេញ ។

ជនសង្ស័យ​មាន​ឈ្មោះ​ជឹម ច​យ ភេទ​ប្រុស អាយុ៥២ឆ្នាំ មុខរបរ​កម្មករសំណង់ ស្នាក់នៅ​ជាមួយគ្នា មាន​ស្រុកកំណើត​នៅ​ភូមិ​ខ្មង់ ឃុំ​អូ​ឬ​ស្សី ស្រុក​កំពង់​ក្រឡាញ់ ខេត្តកំពង់ឆ្នាំង ។ បើតាមសម្តីសាក្សីនៅកន្លែងកើតហេតុបានប្រាប់ថា ក្មេងស្រី​រងគ្រោះ​អាយុ២ឆ្នាំ១០ខែ រស់នៅ​ជាមួយ​ម្តាយ​អាយុ២៤ឆ្នាំ មុខរបរ​កម្មការិនី​រោងចក្រ ស្នាក់នៅ​បន្ទប់​ជូ​ល​ភូមិ​ជ្រៃ​កោង សង្កាត់​ចោមចៅ២ ខណ្ឌ​ពោធិ៍​សែន​ជ័យ មាន​ស្រុកកំណើត​នៅ​ខេត្តតាកែវ ។ ​ម្តាយក្មេងស្រីរងគ្រោះបានប្រាប់ថា នៅ​ថ្ងៃទី២៥រូបគាត់​បានចេញ​ទៅធ្វើ​ការ​រោងចក្រ​ដោយ​ទុក​កូនស្រី​អោយនៅ​ជាមួយ​តា តែ​ពីរ​នាក់ លុះ​វេលា​ម៉ោង៥ល្ងាច ពេល​រូបគាត់​ចេញពី​ធ្វើការ​វិញ មកដល់​បន្ទប់​ឃើញ​កូនស្រី​អង្គុយបត់ជើង​ដោយមាន​ប្រលាក់​ឈាម​ចេញពី​ប្រដាប់ភេទ ពេលនោះ​គាត់​ក៏​សួរនាំ​កូនស្រី​ហើយ​បាន​រៀបរាប់​ប្រាប់​ដំណើររឿង។ លុះ​ព្រឹក​ថ្ងៃទី២៦ខែ​ឆ្នាំ​ដដែល​ទើប​នាំ​កូន​ទៅពិនិត្យ​នៅ​មន្ទីរពេទ្យ ហើយ​គ្រូរ​ពេទ្យ​បាន​បញ្ជាក់ថា ក្មេងស្រី​ត្រូវបាន​គេ​រំលោភ​ដោយសារតែ​ប្រដាប់ភេទ​តូច​ពេក ទើប​ធ្វើ​ឲ្យ​រយះ​ហូរឈាម​មិន​ឈប់​បែបនេះ។ ភ្លាមនោះម្តាយក្មេងស្រីរងគ្រោះក៏បានទៅដាក់ពាក្យបណ្តឹង ដើម្បីឲ្យនគរបាលចុះធ្វើការឃាត់ខ្លួនជនសង្ស័យតែម្តងទៅ៕ ដោយ៖ សិស្ស