រាជធានីភ្នំពេញ ៖ មន្ត្រីនគរបាល​​មួយ​រូប​ឈ្មោះ សុន ពិសាល អត្តលេខ ៧៤៨៤០ ដែល​​ពាក់​ឋានន្តរស័ក្តិព្រិន្ទបាលឯក ជានាយរងផ្នែកបន្ទប់ពិសោធន៍ នៅនាយកដ្ឋាននគរបាលបច្ចេសទេស និងវិទ្យាសាស្រ្ត បានធ្វើសកម្មភាពចាប់ និងវាយជនរងគ្រោះ ដោយមិនដឹងមូលហេតុអ្វីច្បាស់លាស់ រួចហើយចាប់ដាក់ខ្នោះអូសឡើងលើម៉ូតូកង់បីឥណ្ឌា និងបានយកទៅទម្លាក់ចោល នៅក្នុងក្រសួងមហាផ្ទៃ ។ ជ​ាក់ស្តើងនៅពេលនេះ មុនពេលបញ្ជូន​ទៅ​តុលាការ​ មន្ត្រីនគរបាល​​បានចេញវីដេអូ live ថា បើមានរឿងគឺ អាងឪពុក។

ជនរងគ្រោះឈ្មោះ អ៊ឹម បញ្ញា ភេទប្រុស អាយុ ២៤ឆ្នាំ ស្នាក់នៅផ្ទះលេខ ៣៨៤ ផ្លូវលំ ភូមិរោងចក្រ សង្កាត់គោកឃ្លោង ខណ្ឌសែនសុខ រាជធានីភ្នំពេញ។ ចំណែកមន្ត្រីប៉ូលិសដែលប្រើហឹង្សាទៅលើជនរងគ្រោះឈ្មោះ សុន ពិសាល ភេទប្រុស អាយុ ២៥ឆ្នាំ ជាមន្រ្តីនគរបាលនៅនាយកដ្ឋាននគរបាលបច្ចេសទេសនិងវិទ្យាសាស្រ្ត អត្តលេខ ៧៤៨៤០ មានឋានន្តរស័ក ព្រិន្ទបាលឯក ឋានៈ នាយរងផ្នែកបន្ទប់ពិសោធន៏ ។ អ្នក​នៅ​កន្លែង​កើត​ហេតុ​បាន​បញ្ជាក់​ថា​ គេឃើញយុវជនម្នាក ត្រូវបានសមត្ថកិច្ចមានគ្នាប្រមាណ៤ទៅ៥នាក់ស្លៀកពាក់ស៊ីវិល និងមានម្នាក់ពាក់ឯកសណ្ឋានប៉ូលិស សុទ្ធតែមានកាន់វិទ្យុទាក់ទង និងអាវុធ។ សាក្សីបន្តថា ពេលនោះសមត្ថកិច្ចទាំងនោះបានធ្វើសកម្មភាព ចាប់ និងវាយយុវជនរូបនោះ រួចហើយចាប់អូសឡើងលើម៉ូតូកង់បីឥណ្ឌា និងបានយកទៅទម្លាក់ចោល នៅក្នុងក្រសួងមហាផ្ទៃ៕ ទស្សនាវីដេអូខាងក្រោម៖