ពោធិ៍សាត់​៖​ កាលពីវេលាម៉ោង​ ១២​ និង២៥នាទីទៀបភ្លឺ​ ថ្ងៃទី២៧​ ខែឧសភា​ ឆ្នាំ​២០១៨​ នៅចំណុចការដ្ឋានសាងសង់រង្វង់មូល​ តភ្ជាប់ពីផ្លូវជាតិលេខ៥​ ទៅផ្លូវជាតិលេខ៥៥​ ផ្លូវចូលបូជនីយដ្ឋានឧកញ៉ា​ឃ្លាំង​ មឿង​ ស្ថិតក្នុងភូមិកំពែងស្វាយ​ ឃុំស្នាមព្រះ​ ស្រុកបាកាន​ ខេត្តពោធិ៍សាត់ ​ការដ្ឋានសាងសង់រង្វង់មូល​ តភ្ជាប់ពីផ្លូវជាតិលេខ៥​ ទៅផ្លូវជាតិលេខ៥៥​ គ្មានគំនូស​ និងផ្លាកសញ្ញា​ត្រឹមត្រូវទេ​ បណ្តាលឲ្យរថយន្តLexis RX300មួយគ្រឿង​ ភាំងជ្រុលទៅបុកឃឿនរង្វង់មូល​ បែកកង់​ រួចរ៉េទៅបុកភ្នួកដី​ រងរបួសស្រាលមនុស្ស២នាក់​ ក្នុងចំណោម៦នាក់។

ប្រភពពីមន្ត្រីនគរបាលស្រុកបាកាន​ បានឲ្យដឹងថា​ រថយន្តបង្ករម៉ាក​Lexis RX300 ព័ណ៌​ស​ ពាក់ស្លាកលេខ​ ភ្នំពេញ​ 2AI-2644 បើកបរដោយឈ្មោះ​ ប៉ី​ ភេទស្រី​ អាយុ២៧ឆ្នាំ​ រស់នៅក្រុងកំពង់ចាម​ រួមដំណើរមានគ្នា៦នាក់​ ចិន៤នាក់​ ខ្មែរ២នាក់។ ប្រភពបន្តថា​ រថយន្តបានធ្វើដំណើរពីកើតទៅលិច​ លុះមកដល់ចំណុចកើតហេតុខាងលើ​ ដោយគ្មានបានឃើញពីគំនូសសញ្ញាចរាចរណ៍​ ឬការដ្ឋាន​ បានបុកនឹងឃឿនរង្វង់មូល​ បែកកង់៤គ្រាប់​ រួចក៏ជ្រុលទៅបុគបំនូកដី​ បណ្តាលរងរបួសស្រាលមនុស្ស២នាក់។ ក្រោយពេលកើតហេតុ​ នរងគ្រោះត្រូវបានបញ្ជូនទៅសង្គ្រោះនៅមន្ទីរពេទ្យខេត្ត​ ដោយឡែករថយន្តត្រូវបានស្ទូចទៅរក្សាទុកនៅការិយាល័យចរាចណ៍ផ្លូវគោកខេត្ត​ រងចាំដោះស្រាយនៅពេលក្រោយ៕ ប្រភព៖ Ti Amo (ពស)