ក្រោមប្រសាសន៍របស់សម្តេចតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា បានមានប្រសាសន៍ថា ​"ត្រូវផ្តល់ការគាំពារ និងការ​យក​ចិត្ត​ទុក​ដាក់​ឲ្យបាន​ខ្ពស់​លើ​កម្មក​រ​ក្រៅប្រព័ន្ធ រួមទាំងអ្នកបម្រើការងារតាមផ្ទះផងដែរ ព្រោះថា​គ្នាមាន​ការ​នឿយ​ហត់​ណាស់ អញ្ចឹងគួរតែឲ្យប្រាក់ខែឲ្យបានសមរម្យ និង​ផ្តល់​ពេល​វេលា​សម្រាកឲ្យសម​ស្រប"។

យ៉ាងណាមិញអ្នកលេងបណ្តាញសង្គមហ្វេសប៊ុក បានធ្វើការផុសយ៉ាងព្រងព្រៀត ពីមួយទៅមួយ នូវទង្វើរដ៏ហួសចិត្តរបស់ថៅកែស្រី ដែលបានធ្វើទារុណកម្មទៅក្មេងស្រី ដែលមានអាយុទើបតែ១៦ឆ្នាំ ទាំងវាយ ធ្វើបាន បង្អត់អាហារ និងធ្វើរឿងជាច្រើនទៀត ដែលខុសពីអ្វីដែលសម្តេចបានមានប្រសាសន៍ទាំងស្រុង។ ខណៈពេលនេះក្មេងស្រីរងគ្រោះដែលមានឈ្មោះថា ស្រីពៅ កំពុងតែត្រូវបានវិទ្យុ ABC ជួយនិងមើលថែ យកចិត្តទុកដាក់ ព្រមទាំងបានសំភាសន៍ពីទុក្ខលំបាក ដែលក្មេងស្រីកំពុុងតែជួបផងដែរ។ ក្មេងស្រីរងគ្រោះ បានរៀបរាប់ទាំងទឹកភ្នែកថា​ "កាលដែលនាងមកធ្វើការជាមួយថៅកែចិត្តអាក្រក់ម្នាក់នេះ ព្រោះតែ ឪពុកម្តាយនាងបានយកនាងឲ្យមកធ្វើការបម្រើការងារជាមួយស្រីចិត្តព្រៃម្នាក់នេះ" នាងបានបន្តថា "ព្រោះតែជីវភាពក្រីក្រ ណាមួយឪពុកឈឺ ម្តាយមានការខ្វះខាតខ្លាំង ទើបម្តាយនាងឪ្យនាងមកធ្វើការបម្រើការនៅទីនេះ"។ ក្មេងស្រីរងគ្រោះបានបន្តប្រាប់ ទៀតថា "នាងបានចាំសម្តីរបស់ឪពុកនាងថា ទោះបីជាឪពុកក្រលំបាកប៉ុណ្ណា ក៏ឪពុកនាងមិនព្រមឲ្យនាងមកធ្វើការបម្រើគេដែរ"នេះជាហេតុដែលធ្វើឲ្យនៅទ្រាំរហូតដល់ទៅ៤ឆ្នាំមកនេះ។ វាពិតជាឈឺចាប់ខ្លាំងណាស់ដែលក្មេងស្រីដែលមានអាយុទើបតែ១៦ឆ្នាំ បែរជាមករងនូវទង្វើរដ៏អាក្រក់ព្រៃផ្សៃពីសំណាក់ថៅកែស្រីម្នាក់នេះទៅវិញ។ ស្រីពៅបាននិយាយបន្តទៀតថា "ពីមុនមកក៏មានក្មេងស្រីម្នាក់ ដែលត្រូវថៅកែស្រីម្នាក់នេះវាយធ្វើបាបរហូតជិតឆ្កួតទៅហើយ"។ ដូចនេះសូមអំពាវនាវដល់សម្តេចតេជោ ហ៊ុន សែន មេត្តាជួយរកយុត្តិធម៍ឲ្យក្មេងស្រីរងគ្រោះផង។ មានវីដេអូ៖ ដោយ៖ ចាន់