គួរឲ្យអាណិតណាស់...ខំពរពោះ៩ខែ១០ថ្ងៃ ទីបំផុតម៉ែបានមុខកូនហើយ តែហេតុអី...
-

ព្រៃវែង៖ គួរអាណិតស្រ្តីម្នាក់ ខំពរពោះ ៩ខែ១០ថ្ងៃ ពេលប្រសូត្របុត្រមក មានក្បាល១ ខ្លួន២ ដៃ៤,ជើង៤ នៅមន្ទីរពេទ្យអ្នកលឿង នេះជាធម្មជាតិ គ្មានមាតា បិតាណា ចង់អញ្ចឹងនោះទេ បើសិនជាគាត់បាន ទៅនិពិត្យ ទៀងទាត់ប្រហែលជាគ្មានរឿងបែបនេះទេ ។

ហេតុការណ៍នេះបានបង្ករអោយមានការភ្ញាក់ផ្អើលកាលពីវេលាម៉ោង២រសៀលថ្ងៃទី២៥ខែឧសភាឆ្នាំ២០១៨នៅក្នុងមន្ទីរពេទ្យបង្អែកអ្នកលឿង ស្ថិតនៅឃុំអ្នកលឿងស្រុកពាមរក៍ខេត្តព្រៃវែង ។
តាមប្រភពពីពេទ្យ នៅកន្លែងកើតហេតុបានអោយដឹងថា៖ ម្តាយទារកចំឡែកនេះ ត្រូវបានក្រុមគ្រូសារនាំមកដល់មន្ទីរពេទ្យនៅវេលាម៉ោង៩ព្រឹក ថ្ងៃទី២៥ឧសភា ហើយក្រោយពីក្រុមគ្រូពេទ្យពិនិត្យឃើញថា ស្ថានភាពអ្នកម្តាយមិនស្រួល ពិបាកនិងបង្កើតកូន។ ទើបនៅវេលាម៉ោង២រសៀលថ្ងៃដដែល ក្រុមគ្រូពេទ្យក៏សម្រេចធ្វើការវះកាត់បង្កើត ហើយជាលទ្ធផល នៃការវះកាត់នេះ ស្រាប់តែទទួលបានជោគជ័យ ប៉ុន្តែបែរជាមានរឿងភ្ញាក់ផ្អើលកើតឡើង។ ដោយសារតែទារកដែលក្រុមគ្រូពេទ្យវះកាត់បាន គឺជាទារកចំឡែក ដែលមានក្បាលមួយ ខ្លួន២ និងដៃ៤ជើង៤ ហើយពុំមាន ដុះអ្វីដើម្បីបញ្ជាក់ថា ជាស្រីឬប្រុសនោះទេ ដែលគេកម្រនិងជួបប្រទះបំផុត,,,។ ក្រុមគ្រូពេទ្យបានបញ្ជាក់ថា ថ្វីត្បិតតែការវះកាត់ទទួលបានជោគជ័យ ប៉ុន្តែក្រោយពីចាប់កំណើតបានប្រមាណជា១ម៉ោងប៉ុណ្ណោះ ទារកចំឡែកនោះក៏បានស្លាប់បាត់បង់ជីវិតទៅវិញ។ ទន្ទឹមនឹងនោះ ក្រុមគ្រួសារ បាននាំយកសាកសពទៅធ្វើបុណ្យនៅឯស្រុកវិញ នៅក្នុងថ្ងៃដដែលនោះតែម្តង បច្ចុប្បន្នម្តាយទារកចំឡែកនេះ គឺនៅសម្រាកព្យាបាលមុខរបួសនៅក្នុងមន្ទីរពេទ្យបង្អែកអ្នកលឿងនៅឡើយទេ៕ ប្រភព៖ ហេងលី