អ្នកប្រដាល់ល្បីឈ្មោះត្រកូល «ឡៅ» កំពុងជួបទុក្ខធំ ដោយឪពុកបង្កើតបានទទួលមរណភាព - សង្គម សិល្បៈ កម្សាន្ដ - Khmer News - The latest Cambodia News. Khmer Times is the region's fastest growing newspaper with daily insights into Cambodia and ASEAN

អ្នកប្រដាល់ល្បីឈ្មោះត្រកូល «ឡៅ» កំពុងជួបទុក្ខធំ ដោយឪពុកបង្កើតបានទទួលមរណភាព

កំពង់ស្ពឺ ៖ អ្នកប្រដាល់ល្បីឈ្មោះត្រកូល «ឡៅ» រួមមាន ឡៅស៊ីណាត ឡៅ ចន្ទ្រា និង ឡៅ ចិត្រា សុទ្ធសឹងជាកំពូលកីឡាករប្រដាល់ក្នុងស្រុកខ្មែរយើង តែពេលនេះពួកគេកំពុងជួបទុក្ខជាទម្ងន់ដោយឪពុកបង្កើតបានទទួលមរណភាពកាលពីព្រឹកថ្ងៃទី២៨ ឧសភា នេះ។

យោងតាមអតីតកីឡាករជើងខ្លាំង ឡៅ ស៊ីណាត បានប្រាប់ព័ត៌មានថា ឪពុករបស់ខ្លួនមានឈ្មោះ ឡៅ ទ្រល វ័យ ៥៩ឆ្នាំ គាត់បានស្លាប់ដោយសារជំងឺគាំងបេះដូង។ ស៊ីណាត បញ្ជាក់ថាឪពុកខ្លួនមានជំងឺបេះដូងនេះរ៉ាំរ៉ៃជាច្រើនឆ្នាំហើយតែមិនដែលធ្វើទុក្ខនោះទេ ហើយទើបមកដល់ម៉ោង៣ទៀបភ្លឺថ្ងៃនេះជំងឺរបស់គាត់ក៏ស្រាប់តែរើឡើងនឹងបានស្លាប់បាត់បង់ជីវិតតែម្តង។

គួរឲ្យដឹងដែរថាការស្លាប់របស់លោក ឡៅ ទ្រល ជាឪពុកនេះស្របពេលកូនប្រុសខ្លួនគឺ ឡៅ ចិត្រា បានវាយចាញ់សិស្សច្បង ផល សោភ័ណ្ឌ ដោយពិន្ទុក្នុងវគ្គផ្តាច់ព្រ័ត្រខ្សែក្រវ៉ាត់ខារ៉ាបាវប៉ុស្តិ៍បាយ័ន។ ចំណែកបុណ្យសពកំពុងរៀបចំតាមប្រពៃណីនៅឯខេត្តកំពង់ស្ពឺ៕