ខេត្តព្រះសីហនុៈ លោកឧត្តមសេនីយ៍ទោជួន ណារិន្ទ ស្នងការនគរបាល ខេត្តព្រះសីហនុ អោយដឹងថា នៅថ្ងៃទី២៨ ខែឧសភា ឆ្នាំ២០១៨ កម្លាំង​នគរបាល​ចរាចរណ៍​ផ្លូវ​គោក​ បានចុះត្រួតពិនិត្យការអនុវត្តច្បាប់ចរាចរណ៍ផ្លូវគោក ពិសេសអ្នកបើកបរគ្មានប័ណ្ណបើកបរ ឬ មានប័ណ្ណបើកបរអន្តរជាតិមិនត្រឹមត្រូវ និងរថយន្តគ្មានផ្លាកលេខ​ សរុបចំនួន ៧គោលដៅ ដូចខាងក្រោម៖

១-ក្នុងក្រុងព្រះសីហនុ ចំនួន៥គោលដៅ។ ២-ស្រុកព្រៃនប់១គោលដៅ ៣-ស្រុកស្ទឹងហាវ១គោលដៅ លទ្ធផលសរុបរកឃើញយានយន្តល្មើសចរាចរណ៍ចំនួន​៩៤គ្រឿង​ក្នុងនោះមានរថយន្តចំនួន​៨គ្រឿង មានដូចខាងក្រោម​៖ ១.ពិន័យ​អ្នកបើកបរ​និង​អ្នករួម​ដំណើរ​លើ​ម៉ូតូមិនពាក់មួកបានចំនួន​ ៧៥គ្រឿង ។ ២.ពិន័យ​អ្នកបើកបរម៉ូតូគ្មានកញ្ចក់មើលក្រោយបានចំនួន​១១គ្រឿង ។ ៣.ពិន័យ​រថយន្តមិនពាក់ខ្សែរក្រវ៉ាត់បានចំនួន​ ២គ្រឿង។ ៤-ពិន័យរថយន្តបើកបញ្ច្រាសទិស ១គ្រឿង ៥.ជនជាតិចិនបើកបរដោយគ្មានប័ណ្ណបើកបរ និងមានប័ណ្ណបើកបរអន្តរជាតិមិនត្រឹមត្រូវចំនួន៥គ្រឿង បានយក​មក​រក្សារទុកនៅការិយាល័យចរាចរណ៍ផ្លូវគោក បន្តតាមនីតិវិធី ៕ ប្រភពៈ Huy Bunleng