សមត្ថកិច្ច​បញ្ជូន​ខ្លួន​ចោរលួច​ម៉ូតូ​២​នាក់ ទៅ​តុលាការ​ចាត់ការ​ទៅតាម​ច្បាប់
-

​ភ្នំពេញ​៖ សមត្ថកិច្ច​ព្រហ្មទណ្ឌ​ខណ្ឌ​ជ្រោយចង្វារ នៅ​ព្រឹក​ថ្ងៃទី​២៩ ខែឧសភា ឆ្នាំ​២០១៨ នេះ បាន​បញ្ជូន​ខ្លួន​ជនសង្ស័យ​ចំនួន ២​នាក់ ទៅកាន់​សាលាដំបូង​រាជធានី​ភ្នំពេញ ដើម្បី​ចាត់ការ​បន្ដ​តាម​នីតិវិធី ពាក់ព័ន្ធ​ករណី​លួច​កាច់ក​ម៉ូតូ​។​

បើតាម​សមត្ថកិច្ច ជនសង្ស័យ​ទី​១ ឈ្មោះ រុន ស៊ីថា ភេទ​ប្រុស អាយ​៣៣​ឆ្នាំ មុខរបរ​ចោរ មាន​ទីលំនៅ​ភូមិ​ឈើ​ខ្លង ឃុំ​ស្វាយទាប ស្រុក​ស្វាយ​អ​ន្ទ​រ ខេត្តព្រៃវែង និង​ទី​២ ឈ្មោះ ចាន់ វី ភេទ​ប្រុស អាយុ​៤៤​ឆ្នាំ មុខរបរ​ចោរ មាន​ទីលំនៅ​ភូមិ​ឆ្លូង ឃុំ​ឆ្លូង ស្រុក​ឆ្លូង ខេត្តក្រចេះ​។​ ​គួររំលឹកថា កម្លាំង​សមត្ថកិច្ច​ព្រហ្មទណ្ឌ​ខណ្ឌ​ជ្រោយចង្វារ បានធ្វើការ​ឃាត់ខ្លួន​ជនសង្ស័យ ២​នាក់​ខាងលើ កាលពី​រសៀល​ថ្ងៃទី​២៦ ឧសភា ក្រោយពី​ពួកគេ​ធ្វើ​សកម្មភាព​លួច​កាចក​ម៉ូតូ នៅ​ចំណុច​ស្ពាន​លេខ​៣ និង​លេខ​៤ តាម​បណ្តោយ​ផ្លូវជាតិ​៦​អា ស្ថិតក្នុង​ភូមិ​ខ្ទរ សង្កាត់​ព្រែកលាប ខណ្ឌ​ជ្រោយ​វា ភ្នំពេញ​។​
​ ​នៅពេល​បង្ក្រាប សមត្ថកិច្ច​ដកហូត​វត្ថុតាង រួមមាន​៖ ដែក​សំប៉ែត​ចុង​ស្រួច​ចំនួន​២, សោរ​អក្សរ T ចំនួន​១ និង​ម៉ូតូ​ហុងដារ​ស៊េរី​២០១៨ មួយគ្រឿង ពាក់​ស្លាក​លេខ​ភ្នំពេញ 1GU-6672 ជា​មធ្យោបាយ​ធ្វើ​សកម្មភាពរ​បស់ជនស​ង្ស័​យ​៕ ប្រភពៈ ណុត