ភ្នំពេញ៖ ភ្ញាក់ផ្អើល​កាលពី​វេលា​ម៉ោង៩ និង២០នាទី​យប់ ថ្ងៃ​ចន្ទ ១៤កើត ខែជេស្ឋ ឆ្នាំច សំរឹទ្ធិស័ក ព.ស.២៥៦២ ត្រូវ​នឹង​ថ្ងៃទី២៩ ខែឧសភា ឆ្នាំ២០១៨ ត្រង់ចំណុច​មុខ​ហាង​លក់​អាហារ​ពេល​រាត្រី​មួយកន្លែង តាម​បណ្តោយ​ផ្លូវ​លេខ១២៨ កែង​ផ្លូវ​លេខ៦៧ សង្កាត់​ផ្សារ​ថ្មី២ ខណ្ឌដូនពេញ រាជធានី​ភ្នំពេញ។

មុនពេល​កើតហេតុ គេ​ឃើញ​ជនជាតិ​ចិន​ប្រុស​ស្រី​មួយក្រុម​មាន​គ្នា៥នាក់ កំពុង​ដើររក​ផ្ទះសំណាក់​ដើម្បី​សម្រាក។ លុះ​ដើរ​មកដល់​ចំណុចកើតហេតុ ស្រាប់តែ​លេចមុខ​ជនសង្ស័យ​មួយក្រុម ជិះ​ម៉ូតូ២គ្រឿង ម៉ាក​ហុងដា​ឌ្រី​ម សេ១២៥ មួយគ្រឿង ជិះ​គ្នា២នាក់ និង​ម៉ូតូ​ធំ១គ្រឿង ម៉ាក SL មិន​ចាំ​ស្លាក​លេខ​ទាំង២គ្រឿង បានធ្វើ​សកម្មភាព​ឆក់​កាបូប​ពី​ស្ត្រី​ជនជាតិ​ម្នាក់​បានសម្រេច រួច​ជិះ​គេចខ្លួនបាត់​ដោយ​សុវត្ថិភាព។ ពួកគាត់​ដែល​កំពុង​ជិះ​ល្បាត​តាមផ្លូវ និង​បានឃើញ​ជនសង្ស័យ​ជិះ​ម៉ូតូ SL នោះដែរ តែ​ដោយសារតែ​កម្លាំង​ម៉ូតូ​សមត្ថកិច្ច​តូច​ជាង​ជិះ​ដេញតាម​មិនទាន់ ទើប​ជនសង្ស័យ​បើក​គេចខ្លួន​បាត់ស្រមោល​តែម្ដង ៕ ប្រភពៈ ណុត