លោកវរៈសេនីយឯក​ យឹម​ សារ៉ាន់​ អធិការ​ នគរបាលខណ្ឌពោធិសែនជ័យបានអោយដឹងនៅល្ងាចថ្ងៃទី​ ២៨​ ខែ​ ឧសភា​ ឆ្នាំ​ ២០១៨​ នេះថា​ សមត្ថកិច្ច​របស់លោកបានឃាត់ខ្លួនស្ត្រីឈ្មោះ​ ចេង​ រដ្ឋ​ពិសី​ អាយុ​ ៣៣​ ឆ្នាំ​ មុខរបរ​លក់ដូរ​ ស្នាក់នៅផ្ទះ​ ១៧​ ផ្លូវលំ​ បុរីសន្តិភាព​ ភូមិដំណាក់ត្រយឹង​ សង្កាត់​ ចោមចៅ២​ ខណ្ឌ​ ពោធិសែនជ័យ​ ពីបទហឹង្សារលើអនិតិជន​ ។​

លោកអធិការបានអោយដឹងថា​ បន្ទាប់ពីបានទទួលសេចក្ដីរាយការណ៍ពីប្រជាពលរដ្ឋថា​ ស្ត្រីឈ្មោះ​ ចេង​ រដ្ឋពិសី​ ប្រើហឹង្សារលើ​ ក្មេងស្រីឈ្មោះ​ ជា​ ស្រីនូ​ ហៅស្រីពៅ​ អស់រយះពេល​ ៤​ ឆ្នាំកន្លងមកហើយ​ លោកបានបញ្ជាអោយសមត្ថកិច្ចអោយចុះស្រាវជ្រាវរហូតឈានដល់ការឃាត់ខ្លួននៅថ្ងៃនេះ​ ។​ ពេលនេះស្ត្រីចិត្តឃោរឃៅធ្វើបាបក្មេងស្រី​ ជា​ ស្រីនូ​ កំពុងសាកសួរដោយសមត្ថកិច្ចជំនាញខណ្ឌ​ពោធិសែនជ័យ​ ដើម្បី​កសាងសំណុំរឿងបញ្ជូនទៅសាលាដំបូងរាជធានីភ្នំពេញចាត់ការបន្តតាមនិតិវិធី​ច្បាប់​ ។ ប្រភពៈ Pheng Vannak News