ខេត្តព្រះវិហារ ៖ កាលពីរសៀលថ្ងៃទី២៨ ខែឧសភា ឆ្នាំ២០១៨ ស្ថិតនៅចន្លោះគីឡូម៉ែត្រលេខ៥៨-៥៩តាមបណ្តោយផ្លូវជាតិលេខ៦២ ក្នុងភូមិរំចេក ឃុំរមណី ស្រុករវៀង ខេត្តព្រះវិហារ រថយន្ត SIENNA មួយគ្រឿងបើកលឿន បែកកង់ក្រឡាប់ផ្ងារជើង ក្អួតចេញ សុទ្ឋតែឈើប្រណីតៗ។

រថយន្តនេះបានលួចដឹកឈើប្រណីត គេចពីសមត្ថកិច្ច ដើម្បីយកទៅលក់ ដោយសារតែដាក់ឈើច្រើនពេក ហើយបើកលឿនផងនោះ បានបណ្តាលឲ្យ បែកកង់ខាងឆ្វេងក្រឡាប់ផ្ងារជើង តែសំណាងល្អ មិនបណ្តាលឲ្យមាននរណាម្នាក់រងគ្រោះ ម្ចាស់រថយន្តបានរត់គេចខ្លួនបាត់ស្រមោល។ មុនពេលកើតហេតុរថយន្តខាងលើបោះពួយយ៉ាងលឿន ក្នុងទិសដៅពីជើងទៅត្បូង លុះដល់ចំណុចកើតហេតុបណ្តាលឲ្យ រថយន្តបែកកង់ខាងឆ្វេង ក៏ក្រឡាប់តែម្តងទៅ។ អ្វីដែលធ្វើឲ្យមានភ្ញាក់ផ្អើលនោះ ក្រោយហេតុការណ៍ក្រឡាប់រថយន្តនោះ គឺនៅក្នុងរថយន្តមានផ្ទុកឈើប្រណិតខុសច្បាប់ប្រភេទ ធ្នង់ជាច្រើនដុំ រីឯម្ចាស់បានរត់គេចខ្លួនបាត់ស្រមោល ៕ ដោយ៖ និស្ស័យ