ក្រោយពីរំដោះក្មេងស្រីពីកណ្តាប់ដៃស្ត្រីជនជាតិចិន ម្តាយបានស្កាត់មកពីខេត្តមកជួបកូនស្រីនៅស្ថានីយវិទ្យុអេបីស៊ី ឃើញរាងកាយកូនស្រីវ័យ ១៦ឆ្នាំរុំព័ទ្ធដោយស្នាមជាំខ្មៅមានទាំងចាស់មានទាំងថ្មី ធ្វើឲ្យស្ត្រីចំណាស់ជាម្តាយក្តុកក្តួល ទឹកភ្នែកដណ្តើមគ្នាស្រក់ហូតកាត់ផែនថ្ពាល់ទាំងសង ទាំងដៃត្រកងឱបកូនស្ងួនយ៉ាងណែន រីឯអ្នកនៅជុំវិញអ្នកទាំងពីរលួចសម្រក់ទឹកភ្នែកតាមដែរ។

ខណៈដៃកំពុងកាន់ក្រមាជូតទឹក ស្ត្រីជាម្តាយបានរៀបរាប់ថា «ខ្ញុំមិនដែលខ្ចីលុយវាទេ សម្តីផ្អែមណាស់ ខ្ញុំខំតែជឿទុកចិត្ត តែការពិតវាធ្វើបាបកូនខ្ញុំ។ កូនអើយកូន គេធ្វើបាបកូន ៤ឆ្នាំ ម៉េចកូនមិនប្រាប់ម្តាយ»។ យ៉ាងណាពេលនេះ ស្ត្រីប្រើហិង្សាលើឈ្នួលបម្រើតាមផ្ទះនោះ ត្រូវសមត្ថកិច្ចឃាត់ខ្លួន ដើម្បីសួរនាំ និងចាត់ការតាមនិតិវិធីហើយ។ មានវីដេអូ៖ ប្រភព៖ dara-news