ភ្នំពេញៈ នៅម៉ោង១១ៈ០០នាទី ថ្ងៃទី ២៩ ខែឧសភា ឆ្នាំ២០១៨នេះ កម្លាំងសមត្ថកិច្ចនៃអគ្គនាយកដ្ឋាននគរបាល អន្តោប្រវេសន៍របស់ក្រសួងមហាផ្ទៃ បាន​បើក​ប្រតិបត្តិការចុះត្រួតពិនិត្យឆែកឆេរនៅក្នុងខុនដូមួយកន្លែង ស្ថិតនៅតាមបណ្ដោយផ្លូវ៣៣៤ សង្កាត់បឹងកេងកងទី១ ខណ្ឌចំការមន រាជធានីភ្នំពេញ។

បើតាមសេចក្តីរាយការណ៍ បានឲ្យដឹងថា បន្ទាប់ពីទទួលបានព័ត៌មានពីប្រជាពលរដ្ឋ កម្លាំងសមត្ថកិច្ចបានចុះមកត្រួតពិនិត្យនៅទីតាំងលើ​ ដោយមានការឃាត់ខ្លួនជនជាតិចិនជាច្រើននាក់ តែគេ​មិនទាន់ដឹងថា ពាក់ព័ន្ធនឹងករណីអ្វីឲ្យពិតប្រាកដនៅឡើយទេ។ ទោះជាបែបណា ពាក់ព័ន្ធនឹងករណីឃាត់ខ្លួនជនជាតិចិនខាងលើនេះ បើតាមការបញ្ជាក់ពី​ប្រជាពលរដ្ឋ ដែលរស់នៅក្បែរនោះ បានរាយការណ៍ថា ជនជាតិចិនទាំងនេះ តែងតែបង្កសំឡេងរំខានដល់អ្នកជិតខាងស្ទើរតែសម្រាក និងដេកពួកពុំបាន៕ ប្រភពៈ កូន ខ្លាតូច