ភ្នំពេញ៖ ​កាលពី​វេលា​ម៉ោង១១និង១០នាទី​ថ្ងៃត្រង់​ថ្ងៃទី២៩ ខែឧសភា ឆ្នាំ២០១៨ មានហេតុការណ៍បង្កការភ្ញាក់ផ្អើលមួយកើតឡើងនៅ​ខាងក្រោយ​សាលា​ពន្ធដារ​សាខា​ទួលគោក តាម​បណ្ដោយ​ផ្លូវ១១២ សង្កាត់​ផ្សារ​ដេប៉ូ៣ ខណ្ឌទួលគោក រាជធានី​ភ្នំពេញ។

ប្រភពបានអោយដឹងថា មុនពេល​កើតហេតុ បុគ្គលិក​ហាង​ស៊ុប បានធ្វើ​ម្ហូប នៅ​កន្លែង​ចុងភៅ រួច​ក៏បាន​សាយភាយ​ហ្គាស​ចេញមកក្រៅ​បង្ក​ការឆាបឆេះ​តែម្ដង ពេលនោះ បុគ្គលិក​នាំគ្នា​យក​បំពង់​ពន្លត់​អគ្គិភ័យ​បាញ់​ពន្លត់​តែ​មិនអាច​គ្រប់គ្រង​បាន ពេលនោះ បាន​រាយការណ៍​ជូន​អាជ្ញា​ធរមាន​សមត្ថកិច្ច ចេញ​រថយន្ត​ពន្លត់​អគ្គិភ័យ មកដល់​ទីតាំង​កើតហេតុ​ចំនួន៦គ្រឿង បាន​ប្រើប្រាស់​បាញ់​ពន្លត់​ចំនួន៤គ្រឿង​រលត់​ជា​ស្ថាន​ពរ។ ម្ចាស់​ហាង​ឈ្មោះ ប៉ោង ឡា​លីន ភេទ​ប្រុស អាយុ២៧ឆ្នាំ ស្នាក់​នៅផ្ទះ​ជួញ ផ្លូវ​លេខ១៥០ សង្កាត់​ផ្សារ​ដេប៉ូ២ ខណ្ឌ​ទទួល​គោក និង​មុខរបរ​លក់​ស៊ុប។ គួរបញ្ជាក់ផងដែរថា ហេតុការណ៍​នេះ មិនបាន​បង្កអោយមាន​មនុស្ស​រងរបួស​ឡើយ គ្រាន់តែ​បង្ក​អោយ​ខូចខាត​សម្ភារៈប្រើប្រាស់​ក្នុង​ហាង​មួយចំនួនតែប៉ុណ្ណោះ ៕