រឿងរ៉ាវកំពុងកក្រើកខ្លាំងក្នុងបណ្ដាញសង្គមហ្វេសប៊ុកធ្វើអោយអ្នកនិយមប្រើប្រាស់បណ្ដាញសង្គមកើតក្ដីខឹងសម្បារយ៉ាងខ្លាំងលើស្រ្ដីថៅកែជនជាតិចិនម្នាក់ដែលប្រើអំពើហិង្សាមកនាងតូចដែលជាកូនឈ្នួលរហូតមានស្នាមជាំពេញខ្លួន ។

ក្នុងនោះដែរមានមតិមហាជនជាច្រើនលើកឡើងនូវសំណូមពរសូមអោយសមត្ថកិច្ចពាក់ព័ន្ធមេត្ដាចាត់វិធានការលើស្រ្ដីថៅកែចិត្តកំណាចម្នាក់នេះអោយសក្ដិសមហ្នឹងអំពើដែលនាងបានធ្វើមកលើក្មេងស្រីតូចម្នាក់នេះផង ។ ក្នុងនោះដែរលោក វិល្លាម អ្នកវិភាគសង្គមដ៏មានប្រជាប្រិយក៏បានលើកឡើងថា៖ «ខ្ញុំគាំទ្រនឹងលេីកទឹកចិត្តអោយសមត្ថកិច្ច ស្ថាប័នច្បាប់ អនុវត្តន៍ច្បាប់អោយបាន «តឹងតែងជាទីបំផុត» ចំពោះជនជាតិចិនរូបនេះ ដែលបានបង្ខាំងកុមារកម្ពុជា រំលោភលេីសិទ្ធកុមារ ហឹង្សាលេីកុមារកម្ពុជាដោយ គ្មានមនុស្សធម៌ ព្រៃផ្សៃ ឃោឃៅជាទីបំផុត ។ បេីស្ដាប់តាមចំឡេីយកុមាររងគ្រោះ មេីលរូបភាពជនបង្ករ ហេីយស្រមៃមេីលព្រឹត្តការណ៍ ហាក់បីដូចជាខ្លោចចិត្ត និងនឹកភ្នកថាហេតុអ្វីបានគេមិនខ្លាចច្បាប់នៅកម្ពុជាសោះ ហេតុអីបានយេីងធ្លាក់ខ្លួនជាជនជាតិមួយធ្វេីការអោយគេរហូតគេមានឱកាសធ្វេីបាបបែបនេះ ។» អត្ថបទបន្ថែម៖ ក្មេងស្រី ដែលថៅកែស្រីចិត្តព្រៃ នៅសុខៗស្រាប់តែ តឹងទ្រូង ថប់ដង្ហើម បញ្ជូនទៅសង្គ្រោះនៅមន្ទីរពេទ្យជាបន្ទាន់ ក្មេងស្រី ដែលត្រូវថៅកែស្រីវាយធ្វើបាប នៅសុខៗស្រាប់តែ តឹងទ្រូង ថប់ដង្ហើម ត្រូវក្រុមការងារ ABCបញ្ជូនទៅសង្គ្រោះនៅមន្ទីរពេទ្យ មហាជនទូទាំងប្រទេសនាំគ្នាបង្ហាញភាពស្លុតចិត្ត ក្រោយពីមានករណីក្មេងស្រីរងគ្រោះឈ្មោះ ជា​ ស្រីនូ​ ហៅស្រីពៅ​ អាយុ១៦ឆ្នាំ ជាកូនឈ្នួលបម្រើ​ការងារ​នៅ​ក្នុងផ្ទះ​អ្នកលក់​សម្លៀក​បំពាក់ ត្រូវស្ត្រីជាម្ចាស់ផ្ទះឈ្មោះ​ ចេង​ រដ្ឋពិសី​ វាយធ្វើបាបឥតសំចៃ អស់រយៈពេល៤ឆ្នាំមកហើយ។ ក្រោយបានស្តាប់ប្រវត្តិជូរចត់ និងបានដឹងថាក្មេងស្រីរូបនេះមានកាតព្វកិច្ចជួយទំនុកបម្រុងដល់គ្រួសារថែមទៀត ជាហេតុធ្វើឲ្យគ្រប់គ្នាអាណិតខ្លោចចិត្ត។ យ៉ាងណាមិញក្មេងស្រីរូបនេះក៏បានក្រុមការងារ ABC យកទៅមើលថែ ជាបណ្តោះអាសន្ន ដោយបានធ្វើការជួបជាមួយនឹងក្រុមគ្រួសារផងដែរ។ ប៉ុន្តែនៅរសៀលថ្ងៃទី២៩ ខែឧសភា នេះ ជា​ ស្រីនូ​ ហៅស្រីពៅ សុខៗស្រាប់តែធ្វើទុកកន្លែងដើមទ្រូងថប់ដង្ហើម ភ្លាមៗនោះផងដែរក្រុមការងារ ABC ក៏បានបង្ហោះសារឲ្យមហាជនបានជ្រាបថា៖ “សូមប្រកាស​ ការណាត់ជួបល្ងាចនេះ​សូមរំសាយវិញដោយប្អូនស្រីពៅ​ ទន់ដៃទន់ជេីងហេីយត្រូវបញ្ចូនទៅមន្ទីរពេទ្យ​ សូមការអធ្យាស្រ័យពីគ្រប់មជ្ឈដ្ឋា​ន។ ដោយការគោរព”៕ ប្រភព៖ ហេងលី