ភ្នំពេញ៖ ​ជនសង្ស័យ​ពីរ​នាក់ ជិះ​ម៉ូតូ​សង់​ស៊េរី២០១៨មួយគ្រឿង បានធ្វើ​សកម្មភាព​ឆក់​កាបូប​ពី​ជន​ជាតិចិន​ប្រុស​ស្រី​ពីរ​នាក់ ដែល​កំពុង​ដើរ​តាម​ដងផ្លូវ តែ​មិនបាន​សម្រេច បណ្តាល​ឲ្យ​ដួល​ម៉ូតូ ត្រូវបាន​ប្រជាពលរដ្ឋ​នាំគ្នា​ជួយ​ចាប់បាន រួច​ប្រគល់ជូន​សមត្ថកិច្ច​វាយ​ខ្នោះ​តែម្ដង ស្ថិតនៅ​ចំណុច​មុខ​ខុន​ដូ ឌី​កា​សល៨៣ តាម​បណ្តោយ​ផ្លូវ៣១៥ ស្ថិតក្នុង​សង្កាត់​បឹងកក់១ ខណ្ឌទួលគោក រាជធានី​ភ្នំពេញ កាលពី​វេលា​ម៉ោង១២រំលងអធ្រាត្រ ឈានចូល​ថ្ងៃទី៣០ ខែឧសភា ឆ្នាំ២០១៨។

បើតាមការឲ្យដឹងពីសមត្ថកិច្ចបានប្រាប់ថា ជនសង្ស័យ​ទី១ មានឈ្មោះ ទូច ម៉ែង​ហុង ភេទ​ប្រុស អាយុ១៦ឆ្នាំ មុខរបរ​សិស្ស​សាលារៀន​ទួល​សង្កែ ស្នាក់នៅ​សង្កាត់​ទួល​សង្កែ ខណ្ឌឫស្សីកែវ មាន​ស្រុកកំណើត​នៅ​ខេត្ត​កំពង​ចាម និង​ជនសង្ស័យ​ទី២ មាន​ឈ្នោះ ស៊ា​ង ជាង​កាង ភេទ​ប្រុស អាយុ១៩ឆ្នាំ មុខរបរ​សិស្ស​នៅ​វិទ្យាល័យ​វត្ត​កោះ រៀន​ថ្នាក់​ទី១១ ស្នាក់នៅ​ម្តុំ​សាលារៀន​បាក់​ទូក និង​មាន​ស្រុ​កំណើត​នៅ​ខេត្តតាកែវ។ សមត្ថកិច្ចបានបន្តទៀតថា នៅមុន​កើតហេតុ រូបគាត់​ឃើញ​ជនជាតិ​ចិន​ប្រុស​ស្រី​ពីរ​នាក់ បាន​ដើរ​ចេញពី​ផ្សារ​ធី​ខេ ដោយ​ធ្វើដំណើរ​ថ្មើរជើង​ទិសដៅ​ពី​ជើង​ទៅ​ត្បូង។ លុះ​មកដល់​ចំណុចកើតហេតុ​ខាងលើ ក៏​ស្រាប់តែ​លេចមុខ​ជនសង្ស័យ​ពីរ​នាក់ ជិះ​ម៉ូតូ​មួយគ្រឿង​ម៉ាក ហុងដា​ឌ្រី​ម ស៊េរី​ឆ្នាំ២០១៨ ពណ៌​ខ្មៅ ពាក់​ស្លាក​លេខ ព្រះសីហនុ 1H-8708 ជិះ​មកពី​ក្រោយ ​ស្រប​ទិសដៅ​ស្របគ្នា បន្ទាប់មក​ជនសង្ស័យ​មិនទាន់​សកម្មភាព​ឆក់​កាបូប​នោះទេ ដោយ​ពួកគេ​ជិះ​ក្រឡឹង​ពីរ​ទៅ​បី​ជុំ ទើប​ឃើញ​ឱកាសល្អ​ធ្វើ​សកម្មភាព​ឆក់​កាបូប​យួរដៃ​ពី​ស្ត្រីជន​ជាតិចិន​ម្នាក់ ក្នុងចំណោម​ពីរ​នាក់​ តែម្ដង តែ​មិនបាន​សម្រេច ដោយសារ​ជនរងគ្រោះ​ឃើញ​ទាន់ ក៏បាន​ទាញ​កាបូប​មកវិញ ធ្វើ​ឲ្យ​កាច់.ក​ម៉ូតូ​ជនសង្ស័យ​ដួល​ទៅលើ​ថ្នល់ ៕ ដោយៈ ពិទូ