ប៉ៃលិន៖ ករណីគ្រោះថ្នាក់មួយបានធ្វើឲ្យមនុស្សប្រុស ស្រីចំនួន៦នាក់ បានរងរបួសធ្ងន់ ស្រាល នៅចំណុចភូមិអូរដូនតាក្រោម ឃុំស្ទឹងត្រង់ ស្រុកសាលាក្រៅ ខេត្តប៉ៃលិន កាលពីល្ងាចថ្ងៃទី២៩ ខែឧសភា ឆ្នាំ២០១៨។

បើតាមសម្តីសម្ថកិច្ចបានប្រាប់ឲ្យដឹងថា មនុស្សក្មេងចាស់ ប្រុសស្រីចំនួន ៦នាក់ បានរងរបួសធ្ងន់ និងស្រាលខណៈដែលពួកគាត់បានជិះគោយន្តច្នៃដែលមានដឹកឥវ៉ាន់សំពីងសំពោងផងនោះ បានដាច់កាឡេ ហើយជ្រុលធ្លាក់ទឹកប្រឡាយ។ តាមប្រភពនគរបាលខេត្តប៉ៃលិន បានឲ្យដឹងថា ជនរងគ្រោះទី១. ឈ្មោះ ហ៊ាន រឿន ភេទស្រី អាយុ ៥០ឆ្នាំ របួសធ្ងន់, ទី២. ពុធ វ៉ា ភេទស្រី អាយុ៤៧ឆ្នាំ របួសធ្ងន់, ទី៣. ហ៊ុន ច័ន្ទ ភេទស្រី អាយុ៦០ ឆ្នាំ របួសស្រាល, ទី៤. កេត លី ភេទប្រុស អាយុ៦០ឆ្នាំ របួសស្រាល, ទី៥. រឿត គឹមឡេង ភេទស្រី អាយុ៣ឆ្នាំ របួសស្រាល និងទី៦. ឈ្មោះ អាត់ ថ្លៃ ភេទប្រុស អាយុ៣៩ឆ្នាំ របួសស្រាល ពួកគាត់ទាំងអស់គ្នា រស់នៅភូមិអន្លង់រាំង ឃុំឃ្លាំងមាស ស្រុកបវេល ខេត្តបាត់ដំបង ។ នគរបាលបានបន្តថាបច្ចុប្បន្នជនរងគ្រោះរងរបួសធ្ងន់ត្រូវបញ្ជូនទៅសម្រាក់ព្យាបាលនៅមន្ទីរពេទ្យបង្អែកខេត្តប៉ៃលិននិងអ្នករបួសស្រាលអាចត្រឡប់ទៅផ្ទះវិញបាន ៕ ដោយ៖ ពិទូ