ក្រុងព្រះសីហនុៈ នៅព្រឹកថ្ងៃទី៣០ ខែឧសភា ឆ្នាំ២០១៨ មន្ត្រីសាខាកាំកុងត្រូល ខេត្តព្រះសីហនុ សហការជាមួយមន្ត្រីមន្ទីរពាណិជ្ជកម្មខេត្តនិងមន្ត្រីរដ្ឋបាលពាក់ពន្ធ័ចុះពិនិត្យគុណភាពផលិតផលម្ហូបអាហារចម្រុះនៅផ្សារទំនប់រលកក្នុងសង្កាត់លេខ១ និងកន្លែងលក់ដូរនៅម្តុំឧត្តនិយម ក្នុងសង្កាត់លេខ៣ ក្រុងព្រះសីហនុ ដោយផ្តោតជាសំខាន់ទៅលើការធ្វើតេស្តុបឋម រកមើលសារធាតុគីមីហ្វរ័ម៉ុលនៅក្នុងអាហារសមុទ្រក្លាស្សេ ក៍ដូចជារកមើលគីមីបូរ៉ាក់នៅក្នុងម្ហូបអាហារចម្រុះផ្សេងៗទៀត ព្រមទាំងពិនិត្យផងដែរនៅអាហារវេចខ្ចប់រួចដើម្បីមើលពីគុណភាពទូទៅនិងកាល បរិច្ឆេទប្រើប្រាស់ ។

បើតាមមន្ត្រីកាំកុងត្រូលដែលចុះពិនិត្យផ្ទាល់ថ្លែងថា ទាំងនៅផ្សារទំនប់រលកនិងនៅតាមកន្លែងលក់ដូរម្តុំឧត្តុនិយម ទំនិញម្ហូបអាហារទាំងអស់ដែលឆ្លងការត្រួតពិនិត្យ ពុំមានបញ្ហាលាយសារធាតុគីមីឬខូចគុណភាពអ្វីឡើយ ដែលបង្ហាញថាពលរដ្ឋជាអាជីវករលក់ដូរ មានការយល់ដឹងច្រើន និងចូលរួមសហការទប់ស្កាត់មិនអោយមានម្ហូបអាហារលាយសារធាតុគីមីឬម្ហូបអាហារខូចគុណភាពមានវត្តមានក្នុងទីផ្សារឡើយ។ ទោះជាយ៉ាងនេះក្តី មន្ត្រីកាំកុងត្រូលខេត្តព្រះសីហនុនៅតែបន្តពន្យល់អប់រំដល់បងប្អូនអាជីវករទាំងអស់អោយរក្សាស្ថានភាពបែបនេះបន្តទៀត និងថាការបញ្ជាក់ពីមន្ត្រីជំនាញកាំកុងត្រូលដែលបានពិនិត្យរួចតាមកន្លែងលក់ដូរនិមួយៗ នឹងផ្តល់ទំនុកចិត្តដល់អតិថិជនផងនិងជួយដល់ម្ចាស់កន្លែងលក់ដូរចំពោះការធានាពីសុវត្ថិភាពចំណីអាហារដែលកំពុងដាក់លក់ផងដែរ៕ ប្រភពៈ Huy Bunleng