គេចរួចមិនរួច...បុរសម្នាក់ដែលបោកលុយស្រ្តីម្នាក់ និង ឡើងផ្ទះសំណាក់ អស់ទាំងលុយ អស់ទាំងប្រាណនោះ ពេលនេះបានស្គាល់មុខហើយ...

បន្ទាយមានជ័យ ៖ កាលពីថ្ងៃទី២៨ ឧសភា នៅក្រុងប៉ោយប៉ែត ជនសង្ស័យដែលបោកស្រីស្អាតនាំនាងឡើងផ្ទះសំណាក់អស់ទាំងប្រាក់ និងខ្លួនប្រាណ ហើយរត់ចោលបាត់ស្រមោលតែម្តង។

សមត្ថកិច្ចបានប្រាប់ឲ្យដឹងថា ស្រ្តីរងគ្រោះមានឈ្មោះ ឡត មុំ អាយុ៣៧ឆ្នាំ មានទីលំនៅភូមិលាបទង ក្នុងឃុំទ្រា ស្រុកស្ទោង ខេត្តកំពង់ធំប្រាប់ថា នាងមានទំនាក់ទំនងស្នេហ៍ជាមួយម្ចាស់ហ្វេសប៊ុកមួយជាខ្មែរ តែគេតាំងជាអក្សថៃ គឺឈ្មោះ វ៉ាន់ រយៈពេលជិត១ខែ ។

នាងបានឲ្យដឹងបន្តទៀតថា ការដែលនៅទាក់ទងគ្នាតាមហ្វេសប៊ុក ជនសង្ស័យបានលួងលោមនាងសុំស្នេហ៍ ហើយបបួលធ្វើលិខិតឆ្លងដែន ដើម្បីទៅធ្វើការនៅប្រទេសថៃ ដោយគេឲ្យនាងរកប្រាក់ត្រឹម១ម៉ឺនបាតប្រាក់ថៃ ខ្វះប៉ុន្មានគេ និងជួយ ។ ស្ត្រីខាងលើក្រោយពីមកដល់ក្រុងប៉ោយប៉ែតត្រូវបានប្រុសព្រាននាំឡើងផ្ទះសំណាក់ ហើយបុរសនោះព្យាយាមបោកយកប្រាក់ពីនាងអស់សរុប៤លានរៀល រួចគេចខ្លួនទៅបាត់នៅព្រឹកថ្ងៃទី២៨ ឧសភា ។

បន្ទាប់ពីជនសង្ស័យបានគេចខ្លួនបាត់ស្រមោល នាងក៏បានប្តឹងសមត្ថកិច្ច ដើម្បីឲ្យជួយអន្តរាគមន៍ ហើយសមត្ថកិច្ចក៏បានឆែកមើល កាមេរ៉ា ផ្ទះសំណាក់ស្ទឹងមាស ជាប់ផ្លូវជាតិលេខ៥ ក្នុងភូមិក្បាលស្ពាន១ សង្កាត់ប៉ោយប៉ែត ក៏បានស្គាល់មុខជនសង្ស័យ។ ក្រោយពីបានស្គាល់មុខរួចរាល់ហើយ សមត្ថកិច្ច សហការជាមួយសមត្ថកិច្ចថៃ ដើម្បីជួយអន្តរាគមន៍ក្នុងសំណុំរឿងមួយនេះ។ ទីបំផុតជនរងគ្រោះនៅតែរងគ្រោះដដែល ព្រោះកាមេរ៉ាសុវត្ថិភាពផ្ទះសំណាក់នោះមើលមិនច្បាស់រូបភាព ។ បើទោះជាជនសង្ស័យបានរៀបគម្រោងជាមុនដោយយកទូរស័ព្ទជនរងគ្រោះលុបរូបផ្សេងៗដែលពាក់ព័ន្ធ និងទូរស័ព្ទរបស់ខ្លួនគេផ្ទាល់ បានបិទ ប៉ុន្តែពេលនេះរូបភាព២សន្លឹករបស់ជនសង្ស័យត្រូវបានស្ត្រីរងគ្រោះរកឃើញ ខណៈថ្ងៃមុននាងបានបញ្ជូនទៅឲ្យក្មួយស្រីតាមឆាតហ្វេសប៊ុក ។ បច្ចុប្បន្នជនរងគ្រោះបានដាក់ពាក្យបណ្តឹង ទៅអធិការដ្ឋានប៉ោយប៉ែត ដើម្បីវែកមុនជនសង្ស័យមកផ្តន្ទាទោស។ ដោយ៖ និស្ស័យ

ហាមដាច់ខាតការយកអត្ថបទ ពីវេបសាយ khmernews.news ដោយគ្មានការអនុញាត។