ភ្នំពេញ៖ នាយកសាលាអនុវិទ្យាលយ័ព្រៃឃ្នេស ស្រវឹងស្រាជិះម៉ូតូ ធ្លាក់ក្រោមស្ពាន រងរបួសធ្ងន់បាក់ជើងម្ខាង ដែលហេតុការណ៍នេះបានកើតឡើង កាលពីវេលាម៉ោង១៩និង០០នាទី ថ្ងៃទី ២៩ ខែឧសភា ឆ្នាំ២០១៨ ស្ថិតក្នុងភូមិជីផុច ឃុំជីផុចស្រុក មេសាង ខេត្តព្រៃវែង ។

តាមប្រភពសមត្ថកិច្ចបានឲ្យដឹងថា ជនរងគ្រោះមានឈ្មោះ ឈិន យ៉ាន់ ភេទប្រុស អាយុ ៥៥ឆ្នាំ ជានាយកសាលា អនុវិទ្យាលយ័ព្រៃឃ្នេស ជិះម៉ូតូម៉ាក C125 ពណ៌ខ្មៅ ស៊េរី០១៤ ស្លាកលេខភ្នំពេញ 1CF4245 ម្នាក់ឯងពីទិសខាងលិចទៅកើត មកដល់ចំណុចកើតហេតុបាន រេចង្កូតធ្លាក់ទៅក្រោមស្ពាន បណ្តាលអោយរងរបួស បាក់ស្មងជើងខាងឆ្វេង។ មូលហេតុបណ្តាលមកពីស្រវឹងស្រា ហើយត្រូវបានបងប្អូន បញ្ជូនជនរងគ្រោះ ទៅព្យាបាលនៅមន្ទីរពេទ្យភ្នំពេញ រីឯម៉ូតូ បងប្អូនយកទៅរក្សាទុក៕ ដោយ៖ និស្ស័យ