ខេត្តបាត់ដំបង៖ ទុស្សេចរន្តភ្លើង ឆេះអគារការិយាល័យ១ខ្នង ក្នុងកងពលលេខ៥៣ បំផ្លាញទ្រព្យសម្បត្តិអស់ជាច្រើន សំណាងល្អដែលមិនបណ្តាលឲ្យមានអ្នកណាម្នាក់រងរបួស ហេតុការណ៍នេះបានកើតឡើង កាលពីវេលាម៉ោងប្រមាណ៧និង៣០នាទីព្រឹក ថ្ងៃទី៣០ ខែឧសភា ឆ្នាំ២០១៨ នៅក្នុង​កងពល៥៣ ស្ថិតក្នុងភូមិកំប្រង់ ឃុំតាគ្រៃ ស្រុកកំរៀង ខេត្តបាត់ដំបង។

សមត្ថកិច្ចបានប្រាប់ថា សម្ភារៈដែល​ខូចខាតរួមមាន ទី១.ការិយាល័យ១ខ្នង ទំហំ៨គុណ២៤ម៉ត្រែ ធ្វើអំពីឈើ​ប្រក់ស័ង្កសីខ្ទេចគ្មានសល់។ ទី២.ម៉ូតូហុងដា សេ១០០ ពណ៌ខ្មៅ សេរីឆ្នាំ៩៦ចំនួន ១គ្រឿង។ ទី៣.រថយន្ត កាមរី ពណ៌ស សេរីឆ្នាំ៩១ ចំនួន១គ្រឿង។ ទី៤.កុំព្យូទ័រ ចំនួន២គ្រឿង ម៉ាស៊ីនព្រីនចំនួន ២គ្រឿង។ ទី៥.ម៉ាស៊ីនវាស់ឈាមចំនួន១។ ទី៦.ម៉ាស៊ីនបញ្ជាំងស្លាយចំនួន២។ ទី៧.ធុងបាស់ អំភ្លី ម៉ិចស័រ ១ឈុត។ ទី៨.អង្ករចំនួន២០ការុង។ ទី៩.លុយចំនួន ២លានរៀល ប្រាក់ដុល្លារចំនួន២០០ដុល្លារ និងសម្ភារៈប្រើប្រាស់មួយចំនួនទៀត៕ ដោយ៖ និស្ស័យ