វីវហើយ! លោក ហេង រតនៈ បកស្រាយពីរឿងចោទប្រកាន់របស់ប្រទេសថៃថា ជាប់ពាក់ព័ន្ធ និងការផ្សព្វផ្សាយព័ត៌មានក្លែងក្លាយ ពេលនេះប្រទេសថៃចេញដេកា តាមចាប់ខ្លួនមកផ្តន្ទាទោសតាមច្បាប់ថៃ...

កាលពីថ្មីៗនេះ វិបសាយថៃបានចុះផ្សាយពីដេការចាប់ខ្លួន លោក ហេង រតនៈ ជាជនជាតិខ្មែរ ដែលពាក់ព័ន្ធនិងការផ្សព្វផ្សាយព័ត៌មានក្លែងក្លាយថា នេះបើយោងតាម dailynews ដោយប្រើវិបសាយនេះ វាយប្រហារ លោកនាយករដ្ឋមន្ត្រីថៃ លោក ប្រាយុទ្ធ ច័ន្ទអូចា (Prayut Chan-o-cha) ថា "កុំរឿងច្រើនពេក បើសាំងឡើងថ្លៃ យកទឹកមកចាក់ជំនួសទៅ"។

ពេលនេះលោក ហេង រតនៈ ដែលមានគណនីហ្វេសប៊ុកឈ្មោះ ហេង រតនៈ (Heng Ratanak) ៖ ខ្ញុំបាទឈ្មោះ ហេងរតនៈ ខ្ញុំសូមប្រកាសច្រានចោលនូវ អត្ថបទមួយរបស់ប្រទេសថៃមួយ ដែលបានចោទថាខ្ញុំជាម្ចាស់វែបសាយ ផ្សេងៗពាក្យព័ន្ធ នឹងការធ្វើពត៌មាន កុហកបោកប្រាស់ ទៅលើរឿងតំលៃសាំងជាដើម ខ្ញុំសូមច្រានចោលថាខ្ញុំមិនបានធ្វើ មិនបានសរសេរមិនបាន Share ទៅលើរឿងណាមួយដូចអ្វីដែល ប៉ូលីសថៃបាន ចោទប្រកាន់នោះទេ មូលហេតុដែលជាប់ឈ្មោះខ្ញុំ គឺដោយសារតែ ខ្ញុំបានជួយទិញ Hosting Domain អោយកូនសិស្សគ្រប់គ្នាដែលកាលយូរឆ្នាំមុនខ្ញុំជាគ្រូបង្រៀនវែបសាយ ខ្ញុំជាគ្រូបង្រៀនបង្កើត នឹងប្រើប្រាស់វែបសាយ (WordPress) ខ្ញុំសូមប្រកាសច្រានចោលថាខ្ញុំមិនបានពាក់ព័ន្ធ ជាមួយអ្នកដែលផុសអត្ថបទនេះទេ ខ្ញុំគ្រាន់តែផ្តល់សេវាបង្ហោះ (Hosting) (Domain) ព្រោះខ្ញុំជាគ្រូបង្រៀនវែបសាយ ៕ លីងអត្ថបទដែលចោទប្រកាន់ខ្ញុំខ្ញុំសុំច្រានចោលការចោទប្រកាន់នេះ ៖ »។

ប៉ុន្តែអ្វីដែលកើតឡើងហើយនោះ មិនអាចបកស្រាយតាមរយៈគណនីហ្វេសប៊ុកនោះទេ ដោយ លោក ហេង រតនៈ និងត្រូវចូលខ្លួនបំភ្លឺ តាមការអនុម័តដោយតុលាការថៃ ហើយនិឹងរង់ចាំរួមសហការជាមួយរដ្ឋាភិបាលកម្ពុជាតែប៉ុណ្ណោះ អាចនឹងមានការចាប់បញ្ចូនខ្លួនទៅទទួលទោសនៅប្រទេសថៃ។

លើសពីនេះទៅទៀត តាមរបាយការណ៍ទេសប្រទេសថៃបានបង្ហើបផងដែរថា ទោសរបស់លោក ហេង រតនៈ អាចត្រូវជាប់ពន្ធនាគារមិនលើសពី ៥ ឆ្នាំ ឬ ពិន័យជាទឹកប្រាក់មិនលើសពី ១ សែនបាត (ប្រហែលជាង ៣០០០ ដុល្លារ) ឬ អាចនឹងត្រូវទាំងជាប់ពន្ធនាគារ រួមទាំងពិន័យជាទឹកប្រាក់ជាមួយគ្នា ព្រោះការបង្កើតព័ត៌មានក្លែងក្លាយ គឺបង្កភាពប៉ះពាល់ដល់ផ្នែករដ្ឋាភិបាល និង បង្កភាពច្របូកច្របល់ដល់ប្រទេសថៃ ដូចនេះបានស្នើសុំដល់តុលាការកំពូលចេញលិខិតចាប់ខ្លួនដើម្បីមកផ្តន្ទាទោសតាមច្បាប់របស់ប្រទេសថៃជាបន្ទាន់ ៕