ភ្នំពេញ៖​ មេឆ្នោតដុះស្លែមួយកន្លែងត្រូវបានកម្លាំងគណៈបញ្ជាការឯកភាពខណ្ឌមានជ័យ​ឆ្មក់បង្ក្រាប​ ឃាត់បានមនុស្ស៣នាក់(​ស្រីម្នាក់)​ នឹងដកហូតបានសម្ភារកត់ឆ្នោត​ នឹងលុយដុល្លារ,លុយខ្មែរ​ មួយចំនួន​ ដោយប្រតិបត្តិការនេះធ្វើឡើងនៅល្ងាចថ្ងៃទី​ ៣១​ ខែ​ឧសភា​ ឆ្នាំ​ ២០១៨​ ស្ថិតនៅចំណុចផ្ទះល្វែង​ ភូមិឆ្នោតជ្រុំ​ សង្កាត់បឹងទំពន់ទី២​ ខណ្ឌមានជ័យ​ រាជធានីភ្នំពេញ​ ។

ក្នុងរង្វង់ប្រតិបត្តិនេះដឹកនាំដោយលោក​ ឌី​រ័ត្នខេមរុណ​ អភិបាលរងខណ្ឌមានជ័យនឹងមាន​ការសម្របសម្រួលពីលោក​ អ៊ុំ​ សុភ័ក្រ​ ព្រះរាជ​អាជ្ញារងអមសាលាដំបូងរាជធានីភ្នំពេញ​ ។ ហើយមុនឈានដល់ការបង្ក្រាបគឺ​ ប្រជាពលរដ្ឋបានរាយការណ៍នឹង​ប្តឹងដល់អាជ្ញាធរខណ្ឌ​ ទើបកម្លាំងជំនាញចុះស្រាវជ្រាវឃើញជាក់ស្តែងក៏ឆ្មកចុះបង្ក្រាបភ្លាមៗតែម្តង។ ចំពោះករណីកម្លាំងសមត្ថកិច្ចឆ្មកបង្ក្រាបទីតាំងខាងលើនេះ​ បានឃាត់ខ្លួនមេឆ្នោតត្រូវជាប្តីប្រពន្ធចំនួន២នាក់​ នឹងអ្នកចាក់ឆ្នោតចំនួនម្នាក់​ ហើយបានដកហូតសម្ភារសម្រាប់កត់​ នឹងលុយខ្មែរចំនួន​ជាង៥លានរៀល​ នឹងលុយដុល្លារចំនួន​៣៧៥​$​ ។ ក្រោយឃាត់ខ្លួនសមត្ថកិច្ចបាននាំខ្លួនអ្នកទាំង៣​ រួមនឹងវត្ថុតាំងយកទៅកាន់អធិការដ្ឋាននគរបាលខណ្ឌមានជ័យដើម្បីកសាងសំណូមពរបញ្ជូនបន្តទៅសាលាដំបូងរាជធានីភ្នំពេញ​ ចាត់ការតាមនីតិវិធីច្បាប់៕ ដោយ៖ ភារ៉ា