កំពង់ធំ ៖ មានករណីគ្រោះថ្នាក់ចរាចរណ៍បុរសម្នាក់ជិះម៉ូតូបុកឆ្កែ បណ្តាលឲ្យរងរបួសធ្ងន់ នៅចំណុចមុខផ្ទះឈ្មោះ អឹុម​ សុផល ភូមិព្រែកស្បូវ សង្កាត់អូរគន្ធរ ក្រុងស្ទឹងសែន ខេត្តកំពង់ធំ កាលពីវេលាម៉ោង២៣និង១០នាទីថ្ងៃទី៣១ ខែឧសភា ឆ្នាំ២០១៨ ។

សមត្ថកិច្ចបានអោយដឹងថា ម៉ូតូម៉ាក C125 ពណ៌ខ្មៅ ពាក់ស្លាកលេខ កំពង់ធំ 1J.9570 បើកបរដោយឈ្មោះ ភ័ក្រ ភេទប្រុស អាយុ ២៥ឆ្នាំ មានទីលំនៅភូមិពោធិ៍ខាវ ឃុំត្បូងក្រពើ ស្រុកសន្ទុក ខេត្តកំពង់ធំ បច្ចុប្បន្នស្នាក់នៅជាកម្មករក្រុមហ៊ុនទឹកអូរវ៉ាយ ស្ថិតនៅភូមិអូរគន្ធរត្បូង សង្កាត់អូរកន្ធរ ក្រុងស្ទឹងសែន ខេត្តកំពង់ធំ (រងរបួសធ្ងន់.អតមួកសុវត្ថិភាព)និងងាប់សត្វ(ឆ្កែ១ក្បាល) រីឯម៉ូតូខូចខាត បែកចង្កៀងខាងមុខ។ បច្ចុប្បន្នអ្នករងរបួសត្រូវកម្លាំងប៉ុស្តិ៍នគរបាលអូរគន្ធរ បញ្ជូនទៅសង្គ្រោះនៅមន្ទីរពេទ្យឯកជន៥១៥.កំពង់ធំ៕ ដោយ៖ និស្ស័យ