ហ្វេសប៊ុក៖ មានការភ្ញាក់ផ្អើលមួយ បន្ទាប់ពីគណនីហ្វេសប៊ុកឈ្មោះ Dara Angel បានបង្ហោះវីដេអូឃ្លីប ព្រមទាំងរូបថតមួយចំនួនបង្ហាញពីទិដ្ឋភាពពិធីភ្ជាប់ពាក្យដ៏ធំមួយ ដែលថ្លៃបណ្ណាការទទួលបានមាសរហូតដល់ ៥គីឡូស្មើរនឹងជាង ១០០តម្លឹង ។ ដែលហេតុការណ៍នេះ បានកើតឡើងកាលពីថ្ងៃទី៣០ ខែឧសភា ឆ្នាំ២០១៨ម្សិលមិញនេះ កូនស្រីរបស់អភិបាលខេត្តពោធិ៍សាត់ ជាមួយនឹងការរៀបចំយ៉ាងអឹកធឹក និងសម្អិតសម្អាងយ៉ាងល្អឥតខ្ចោះ។

ដោយពិធីភ្ជាប់ពាក្យនេះបានធ្វើឡើងនៅក្នុងភូមិគ្រឹះថ្មីជាភូមិគ្រឹះទី២ របស់ឯកឧត្តមម៉ៅ ធនិន សង់អំពីឈើប្រណិត ប្រក់ក្បឿង តាមបែបខ្មែរបុរាណ សង់លើដីឡូត៍ទំហំជិត ៥ហិចតា ស្ថិតនៅតំបន់បុប្ផាព្រែកឯង ទន្លេបាសាក់ រាជធានីភ្នំពេញ។ ជាពិសេស ជាមួយនឹងការដេគ័រនៅក្នុងពិធីពោរពេញដោយផ្កាស្រស់ យ៉ាងស្រស់ស្អាតទាំងក្នុងនិងក្រៅភូមិគ្រឹះដ៍ធំស្កឹមស្កៃនេះ។ ទាក់ទងជាមួយគ្នានេះដែរ សម្រាប់ពិធីខាងលើនេះ គឺមានកូនក្រមុំជាកូនស្រីរបស់ចៅហ្វាយខេត្តពោធិ៍សាត់ ដែលមានផ្ទះធ្វើអំពីឈើប្រណីតយ៉ាងស្រស់ស្អាត ប្រៀបដូចជាវិមានយ៉ាងដូច្នេះដែរ ដោយកូនប្រុសនាម នាវ ស៊ីចាន់ កូនស្រីនាម ម៉ៅ នរនាថ៕ មានវីដេអូ៖ ប្រភពរូបថត និង វីដេអូឃ្លីប Dy Malen & Dara angle