ភ្នំពេញ ៖ ទារកទើបនឹងកើត ត្រូវបានឪពុកម្តាយយកទៅចោល នៅគំនរសម្រាម ត្រូវបានអ្នករើសអេតចាយ ប្រទះឃើញ ដោយក្មេងស្រីគួរឲ្យស្រលាញ់នោះ បានម្តាយរុំសារ៉ុង ពណ៍លឿង លាយក្បាច់ផ្ការចម្រុះ ច្រកក្នុងថង់ កាលពីវេលាម៉ោង ១១យប់ថ្ងៃទី៣១ ខែឧសភា ឆ្នាំ២០១៨ ស្ថិតនៅចំណុចមុខអគ្គីសនីទួលសង្កែ ក្នុងសង្កាត់ទួលសង្កែទី១ ខណ្ឌឫស្សីកែវ រាជធានីភ្នំពេញ។

ដោយឡែកមនុស្សជាច្រើនក៏បានសម្ដែងក្ដីអាសូរ និងរន្ធត់ចិត្តជាពន់ពេក តែមិនដឹងថា ឪពុកម្ដាយមានទុក្ខអ្វីនោះទេ មកធ្វើបាបក្មេងមិនដឹងអ្វីទាល់តែសោះ ដែលមើលទៅក្មេងទើបកើតបានប៉ុន្មានម៉ោង បែរយកច្រកក្នុងថង់ ហើយបោះចោលក្នុងគំនរសំរាមបែបនេះ។ យ៉ាងណា សំណាងល្អ ភព្វមាន ទើបទារករងគ្រោះអាចរួចផុតជីវិតពីក្ដីក្រញាំមជ្ជុរាជ ដោយត្រូវបានអ្នករើសអេតចាយដើរកកាយថង់សំរាម ប្រទះឮសំឡេងយំង៉ាៗ ទើបដើររកឃើញ។ បន្ទាប់ទទួលព័ត៌មានពីការភ្ញាក់ផ្អើលហើយនោះ សមត្ថកិច្ចបានចុះមកដល់កន្លែងកើតហេតុ ដោយចូលរួមជាមួយបុរសរើសអេតចាយ និងបងម៉ូតូកង់បី បានយកទារិកាខាងលើ ទៅមន្ទីរពេទ្យកាលម៉ែត ដើម្បីពិនិត្យមើលសុខភាព ហើយបានប្រគល់បន្តឲ្យទៅវិទ្យុ ABC ជាអ្នកមើលថែរក្សា៕