ខេត្តកោះកុង៖ នៅវេលាម៉ោង ៣.៤០ នាទីរសៀលថ្ងៃទី១ ខែមិថុនា ឆ្នាំ២០១៨នេះ មានករណីគ្រោះថ្នាក់ចរាចរណ៍មួយកើតឡើង បង្កឡើងដោយខ្លួនឯង លើដងផ្លូវជាតិលេខ៤៨ ចន្លោះគីឡូម៉ែត្រ ៩៧-៩៨ ស្ថិតក្នុងភូមិដីទំនាប ឃុំត្រពាំងរូង ស្រុកកោះកុង រថយន្តដែលគ្រោះថ្នាក់ពាក់ស្លាកលេខ ភ្នំពេញ.4A-0655 ជារបស់ ក្រុមហ៊ុនគាធី ដឹកខ្សាច់ បើកបរក្នុងទិសដៅ ភ្នំពេញមក កោះកុង លុះមកដល់ចំនុចខាងលើ ។

រថយន្តបានក្រឡាប់ (មិនទាន់ដឹងមូលហេតុ) បណ្តាឲ្យមនុស្ស ២នាក់ រងរបួសធ្ងន់ ក្នុងនោះ ១.ឈ្មោះ ប៉ុល ហៀង ភេទប្រុស អាយុ ៣០ឆ្នាំ ទីលំនៅភូមិដំបូកខ្ពស់ ស្រុកឈូក ខេត្តកំពត ជាអ្នកបើកបរ រងរបួសធ្ងន់ ២.ឈ្មោះ ម៉ម ឈៀង ភេទប្រុស អាយុ ២០ឆ្នាំ ទីលំនៅដូចគ្នា ជាព្រូរថយន្ត រងរបួសធ្ងន់ ។ ករណីនេះកំលាំងអធិការដ្ឋាននគរបាលស្រុកកោះកុង បានចុះអន្តរាគមន៍ជួយជនរងគ្រោះភ្លាមៗ និងបានទំនាក់ទំនងរថយន្តសង្គ្រោះ ដឹកយកទៅសង្គ្រោះនៅមណ្ឌលសុខភាពត្រពាំងរូង ៕ ប្រភពៈ កូន ខ្លាតូច