ក្រុងព្រះសីហនុៈ (ដំណឹងបន្ថែមករណីផ្ទុះធុងហ្គាសនៅសាលាបច្ចេកទេសដុនបូស្កូ) យោងតាមរបាយការណ៍អង្កេតពីបញ្ជាការដ្ឋាន កងរាជអាវុធហត្ថ ខេត្តព្រះសីហនុ ចេញកាលពីល្ងាចថ្ងៃទី៧ ខែមិថុនា ឆ្នាំ២០១៨

បញ្ជាក់ថា ក្រោយការស្រាវជ្រាវពីសមត្ថកិច្ចជំនាញ គ្រប់ ផ្នែកមាននគរបាលនិងកងរាជអាវុធហត្ថអះអាងថា ហេតុការណ៍ផ្ទុះធុងហ្គាស នៅសាលាបច្ចេកទេសដុនបូស្កូ ក្រុងព្រះសីហនុ ត្រង់កន្លែងរោងជាងក្រឡឹង កាលពីរសៀលថ្ងៃ៧ ខែមិថុនានេះ គឺបណ្តាលមកពីលេចធ្លាយបំពង់អាសេអាឡែន ប៉ះជាមួយបំពងអុកសុីហ្សែននិងធុងហ្គាស ទើបបង្កអោយផ្ទុះឡើងតែម្តង។ ជុំវិញបញ្ហានេះដែរបើយោងតាមប្រភពពីសិស្សសាលាដុនបូស្កូមួយចំនួនដែលនៅសិក្សាក្បែរកន្លែងកើតហេតុ បានដាក់ការសន្និដ្ឋានជាជំហានដំបូងថា ការផ្ទុះនេះទំនងជាកើតឡើងដោយសាររន្ទះបាញ់ក្នុងពេលដែលមេឃកំពុងមានភ្លៀងផ្គររន្ទះ ប៉ុន្តែសមត្ថកិច្ចបញ្ជាក់ហើយថា ករណីនេះជាបញ្ហាបច្ចេកទេស បណ្តាលអោយផ្ទុះ មិនមែនជាករណីរន្ទះបាញ់ទេ។ គួរបញ្ជាក់ថា ហេតុការណ៍ផ្ទុះធុងហ្គាសនៅសាលាបច្ចេកទេសដុនបូស្កូនេះ បានបណ្តាលអោយមនុស្សម្នាក់ស្លាប់ និង៧នាក់ទៀតរងរបួសក្នុងនោះមានម្នាក់រងរបួសធ្ងន់៕ ប្រភពៈ ណុត