បាត់ដំបង៖ ត្រូវនិងថ្ងៃ៦ ខែមិថុនា ឆ្នាំ២០១៨ វេលាម៉ោង ១០៖៣០នាទីព្រឹកលោក ឧត្តមសេនីយ៍ត្រី ភឹង ចិន្តារ៉េត ស្នងការរងទទួលបន្ទុកផែនព្រណ្មទណ្ឌកំរិតធ្ងន់ខេត្តសៀមរាប ក្នុងកិច្ចសហការរវាងការិល័យព្រណ្មទ័ណ្ឌ កំរិតធ្ងន់ខេត្តបាត់ដំបង ចុះឃាត់ខ្លួនជនសង្ស័យម្នាក់ក្នុងករណីចាប់ជំរិតក្មេងស្រី ម្នាក់ដើម្បីទារប្រាក់ ។

បើតាមសម្ដីលោកវីរះសេនីយ៍ទោ អូនហ្វៃ នាយការិយាល័យព្រណ្មទណ្ឌកំរិតធ្ងន់ ខេត្តបាត់ដំបង បានអោយដឹងថា ការឃាត់ខ្លួនជនសង្ស័យខាងលើនេះគឺនៅចំនុច ផ្ទះសំណាក់យីហោ (ប៉ូវអី) ចំនុចស្តុបបេនឡានចុងកៅស៊ូ ភូមិចុងកៅស៊ូ សង្កាត់ស្លក្រាម ក្រុងខេត្តសៀមរាប ។ សមត្ថកិច្ចបានបន្តថា ជនសង្ស័យមាន ឈ្មោះ វ៉ន ទីក (ហៅទី) ភេទប្រុស អាយុ៣៤ឆ្នាំ មុខរបរកម្មករ ធ្វើការនៅប្រទេសថៃ ចំណែកកុមារីរងគ្រោះ ឈ្មោះ ព.ស.ភ អាយុ៩ឆ្នាំ ភេទស្រី រស់នៅជាមួយម្តាយ ជាកម្មករនៅប្រទេសថៃ ។ សូមបញ្ជក់ផងដែរថា ជនសង្ស័យបានចាប់ក្មេងស្រីរងគ្រោះនៅចំនុច ច្រកឡែម ជាប់ព្រំដែនថៃ ថ្ងៃ៣ ខែមិថុនា ឆ្នាំ២០១៨នេះ ក្រោយធ្វើសកម្មភាពរួច ជនសង្ស័យបានរត់គេចមក ខេត្តសៀមរាប ពេលនេះសមត្ថកិច្ចកំពុងសាកសួរបន្តដើម្បីចាត់ការតាមនិតិវិធីច្បាប់៕