កណ្តាល៖ កាលពី វេលាម៉ោង១៦និង២នាទីថ្ងៃទី៦ ខែមិថុនា ឆ្នាំ២០១៨ សត្វគោចំនួនពីរក្បាល ត្រូវបាន រន្ទះបាញ់ងាប់ភ្លាមៗខណៈដែលម្ចាស់បាន យកគោទាំងពីរនោះ ទៅចងឲ្យស៊ីស្មៅនៅវាល មួយកន្លែងស្ថិតនៅចំណុចព្រះអង្គខ្មៅ ក្នុងភូមិជ្រោយជ្រែ ឃុំសំបួរ ស្រុកល្វាឯម ខេត្តកណ្ដាល។

តាមប្រភពសមត្ថកិច្ចនគរបាលបានឲ្យដឹងថា គោទាំងពីរក្បាលនោះគឺមានម្ចាស់២នាក់ផ្សេងគ្នា ដែលម្ចាស់គោទី១-ឈ្មោះ រិន ធួន ភេទប្រុស អាយុ៣៥ឆ្នាំ ជនជាតិខ្មែរ មុខរបរកសិករ ទី២-ឈ្មោះ តូនី ភេទប្រុស អាយុ៣៦ឆ្នាំ ជនជាតិ ខ្មែរ មុខរបរកសិករ អ្នកទាំងពីររស់នៅភូមិ ឃុំ កើតហេតុខាងលើ ។ សមត្ថកិច្ចបានបន្តទៀតថា នៅថ្ងៃកើតហេតុម្ចាស់គោទាំងពីរនាក់ បានដឹកគោទាំងពីរញីមួយឈ្មោលមួយទៅចងឲ្យស៊ីស្មៅ នៅមុខអាស្រមព្រះអង្គខ្មៅលុះដល់ម៉ោងប្រហែល១៦ជាង ត្រូវមេឃភ្លៀង ផ្គរលាយឡំនិងរន្ទះ បាញ់គោពីរក្បាល បណ្ដាលឲ្យ ងាប់នៅនឹងកន្លែងកើតហេតុតែម្ដង។ បន្ទាប់ពីបានទទួលព័ត៌មាននេះភ្លាមនគរបាលចុះ ដល់កន្លែងកើតហេតុ និងបានពិនិត្យមើលឃើញថា គោទាំងពីរនេះពិតជាងាប់ ដោយសារ រន្ទះបាញ់ពិតប្រាកដមែន រួចក៏បានប្រគល់ឲ្យទៅម្ចាស់វិញ៕ ប្រភព៖ ហេងលី