ជីវប្រវត្តិសង្ខេបរបស់អ្នកម្នាង អ៊ុក ផល្លា ដែលសោយទិវង្គតដោយគ្រោះថ្នាក់ចរាចរណ៍! - សង្គម សិល្បៈ កម្សាន្ដ - Khmer News - The latest Cambodia News. Khmer Times is the region's fastest growing newspaper with daily insights into Cambodia and ASEAN

ជីវប្រវត្តិសង្ខេបរបស់អ្នកម្នាង អ៊ុក ផល្លា ដែលសោយទិវង្គតដោយគ្រោះថ្នាក់ចរាចរណ៍!

ក្រោយពីមានករណីគ្រោះថ្នាក់ចរាចរណ៍កាលពីវេលាម៉ោងប្រមាណជាង១២ថ្ងៃត្រង់ នាថ្ងៃទី១៧ ខែមិថុនា ឆ្នាំ២០១៨ នៅខេត្តព្រះសីហនុ បណ្ដាលអោយអ្នកម្នាង អ៊ុក ផល្លា សោយទិង្គត ចំណែកសម្ដេចក្រុមព្រះនរោត្ដមរណឫទ្ធិជាស្វាមីរងរបួសធ្ងន់ ។ រឿងនេះធ្វើអោយមហាជនក្ដុកក្ដួលក្នុងចិត្តឥតឧបមា ។

ពេលនេះសូមលើកយកជីវប្រវត្តិត្រួសៗអ្នកម្នាង អ៊ុក ផល្លា ត្រួសៗមកជម្រាបជូនមិត្តអ្នកអានជាទីគោរព៖

អ្នកម្នាងអ៊ុក ផល្លាទទួលមរណៈភាពនៅអាយុ៣៩ឆ្នាំ (កើតថ្ងៃទី២៧ ខែកក្កដា ឆ្នាំ១៩៧៩) ហើយអ្នកម្នាងក៏បានឈរឈ្មោះ ជាបេក្ខជនតំណាងរាស្ត្រពេញសិទ្ធលំដាប់លេខរៀងទី១ នៃគណបក្សហ្វ៊ុនស៊ិនប៉ិច សម្រាប់មណ្ឌលព្រៃវែង ។

អ្នកម្នាងបានចូលហាត់រៀនរបាំបុរាណនៅសាលាភូមិន្ទវិចិត្រសិល្បពេលមានវ័យ៩ឆ្នាំ ហើយបានចេញសម្តែងលើកដំបូងជាសាធារណៈពេលចម្រើនវ័យបាន១៣ឆ្នាំ ។ អ្នកម្នាងបានបែកបាក់ពីអតីតស្វាមីមុននឹងរួមរស់ជាមួយនឹងសម្តេចក្រុមព្រះនរោត្តមរណឫទ្ធិ ។ អ្នកម្នាងមានបុត្រ២ព្រះអង្គជាមួយសម្តេចក្រុមព្រះ គឺនរោត្តមរណវង្ស និងនរោត្តមសុធាឫទ្ធិ ។

អ្នកម្នាង គឺជាអតីតអ្នករបាំអប្សរាប្រចាំប្រទេសនាអំឡុងឆ្នាំ៩០ ។ រីឯគ្រោះថ្នាក់ចរាចរណ៍ដែលបានឆក់យកជីវិតរបស់អ្នកម្នាង គឺកើតឡើងនៅលើផ្លូវជាតិលេខ៤ ក្នុងភូមិអូរតាសេក ឃុំអូរឧកញ៉ាហេង ស្រុកព្រៃនប់ ខេត្តព្រះសីហនុ កាលនៅព្រឹកថ្ងៃទី១៧ មិថុនា ដែលបានបណ្ដាលឲ្យមនុស្សធ្វើដំណើរក្នុងរថយន្ត៧នាក់ផ្សេងទៀតរងរបួសធ្ងន់ និងស្រាល ៕