បាត់ដំបង៖ កាលពីថ្ងៃទី១៧ ខែមិថុនា ឆ្នាំ២០១៨ វេលាម៉ោង១០និង០០នាទី តាល្មោភកាមម្នាក់បានចាប់រំលោភក្មេងស្រីអាយុ៨ឆ្នាំ រហូតបានសម្រេច ហើយក៏ត្រូវសមត្ថកិច្ចចាប់ខ្លួន ស្ថិតនៅ ក្រុមទី៥ភូមិដូង ឃុំបឹងរាំង ស្រុកកំរៀង ខេត្តបាត់ដំបង។ កុមារីរងគ្រោះមានឈ្មោះ ស.ណ.ល (ហៅឃ្លី) អាយុ៨ឆ្នាំ ចំណែកជនសង្ស័យឈ្មោះ សូឌី ភេទប្រុស អាយុ៥៣ឆ្នាំ មានទីលំនៅ ភូមិដូង ឃុំបឹងរាំង ស្រុកកំរៀង ខេត្តបាត់ដំបង ចាប់រំលោភ សេពសន្ថវៈបានសម្រេច។ បើយោងតាមប្រសាសន៍របស់ លោក វរសេនីយ៍ឯក គឹមពន្លក អធិការស្រុក កំរៀង បានអោយដឹងថា បន្ទាប់ពី ទទួលបានពាក្យបណ្តឹង ពីឈ្មោះ កូយ ហ៊ួន ភេទស្រី អាយុ៤៣ឆ្នាំរស់នៅ ក្រុមទី៥ភូមិដូង ឃុំបឹងរាំង ស្រុកកំរៀង ខេត្តបាត់ដំបង រួចមក កម្លាំងជំរុញនៃអធិការស្រុកកំរៀង បានចុះ ប្រតិបត្តិការ នាំខ្លួនជនសង្ស័យ ឈ្មោះ សូឌី ពីបទរំលោភសេពសន្ថវៈ លើអនិតិជននាំខ្លួនមក សួរនាំ និងកំពុងបន្តសំណុំរឿងបណ្ជូនមកសាលាដំបូងខេត្តបាត់ដំបង៕
